Obhohunyurëru 3:15 - Eriiraghano Eriihë

¹⁵ Nyeeche amaköri ghaanyu. Nyeeche kubha m‑bha bhyowa moonyi. Amare ngʼoni mubhe omororo hamu obhomititu!

Obhohunyurëru 3:15 Referans Kwoze

Abharuumi 12:11

Motabha abhatöbhu gho ghuköra emeremo ghe Ryobha, amare mukangatu na Akörö Ahörëëru ghuköra emeremo ghiyo kwo mukörö woose, gho komuhökëri Omutëmi Yesu.

Mataayo 6:24

“Taanyi‑ho omutamishi uno aghotora kuhökëri abhatëmi bhabhere kwo riibhagha rimu, gho kubha nakomosiigha umu na komurëgha owonde, hamu aghöötane na umu na komutaraaha owonde. Motaaghotora korihökëri Eryobha na chambiiri kwo riibhagha rimu!

Yakobho 1:8

Omooto uyo n‑o miihëëbhö abhere nahaataratara mo‑chanchëra cheeche choose.

Obhohunyurëru 2:4

Amare neenyi na angʼana imu ino ekunyaaki ighoro yaanyu. Motighiri obhosiighi bhoonyu o bhumbërë.

Mataayo 24:12

Wiiki, gho kubha amasari ngaakubha ghëëngiire, abhaato bhaaru mbaghotigha kobhasiigha abhande.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

2 Abhakorinto 12:20

Ibheere neghotiina kubha, eriibhagha rino nekuucha bhowaanyu, nekobhabhöna moonyi na atëëmö ino etaaghunchömëri eni. Riyo ndeghughëri nikörë ghano ghataakobhachömëri inyu. Neghotiina kubha neghotora kobhabhöna moonyi ne eriireghe, no obhusööhu, no oghukarara, no obhunyawumu, no obhori bho bhaato, na kwibhora amangʼana, no obhwihachi na amahë.

Mataayo 10:37

Omooto wowoose uno amosiighiri ishe hamu nyina ghonkera eni, uyo taakundëngʼaanera. Wiiki, wowoose uno amosiighiri omoona waache, hamu omuukë waache, ghonkera eni, uyo woose taakundëngʼaanera.

Obhohunyurëru 3:1

Niho omooto uyo kinya Omoona o Mooto akëëndërëra komboorera arabhugha, “Omwandëkërë marayika o riikanisa re Sariti, no omobhoorere obhughe, ‘Eni neghukangata Chaakörö mohungate che Eryobha na neenyi na chanchöta chiire mohungate. Mutëghëërërë ghano nekobhabhoorera! Nyeeche amaköri ghaanyu. Mokorighibhu kubha m‑bhahöru moonyi, amare mokuure.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

1 Abhakorinto 16:22

Omooto wowoose uno atamosiighiri Omutëmi Yesu, niihiimuru. Omutëmi wiito nuuche!

Obhohunyurëru 3:16

Mbe, gho kubha moonyi ebhyowa, taanyi omororo hamu obhomititu, nekobharoka moru mo‑monu waane.