Obhohunyurëru 22:20 - Eriiraghano Eriihë

²⁰ Iwe uno akoruusi obhwibhateri bhooche ighoro e mangʼana ghano nakobhugha, “Hëënë, ˆnekaacha bhwango.” Hawubhaabha. Nuuche Omutëmi Yesu!

Obhohunyurëru 22:20 Referans Kwoze

Obhohunyurëru 22:7

Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

Obhohunyurëru 22:12

Yesu nakobhugha, “Mööhi! Nekuucha bhwango. Nekuucha nemorehe omooto woose kurëngʼaana na amaköri ghaache.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

1 Abhakorinto 16:22

Omooto wowoose uno atamosiighiri Omutëmi Yesu, niihiimuru. Omutëmi wiito nuuche!

Obhohunyurëru 22:10

Akamara marayika uyo akamboorera akabhugha, “Otaghabhisa amangʼana ghano gha bhurööti bho ghitabhu kino, gho kubha ghoose ghano ghaghamburu muyo ngaghuköru ghano matiko.

Obhohunyurëru 1:2

Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

Obhohunyurëru 22:18

Omooto woose uno akooghu amangʼana ghano gha bhurööti ghano ghaanyi mo‑ghitabhu kino, nekamoshaangʼi kubha, arëëngëra amangʼana, Eryobha ryose ndekomwëngëra chanaabhi chino chitaruru mo‑ghitabhu kino.

Yohana 21:25

Ngaanyi‑ho aghande maaru ghano Yesu aköriri. Aribha ghoose ghayo ghangaandëkuru, nerighi ase yoose tengiishiri ghotoora ebhitabhu bhino bhengaandëkuru.

Obhohunyurëru 1:18

Eni neeni obhuhöru! Neere nekuure amare ibheere, umööhi, muhöru neenyi koru emiishe ne emiishe! Wiiki eni neenyi na chahunguru che roko na nyaari.

Abheebhuraaniya 10:37

Yandëkuru mo‑Mandëkö Amatööbhiyu kubha, “Ndisaaghiri eriibhagha ighuhe hangʼu, uno akuucha, nakuucha, koru taaghukëëchëra.

Obhohunyurëru 2:16

Mbe, motuukuune! Moraanga ghotuukuuna, nekuucha kwo bhwango kubha niröönë na abhaato bhayo gho kinyamiino kino gheekoru mo‑monu waane.