Obhohunyurëru 22:14 - Eriiraghano Eriihë

¹⁴ Ngʼoni abhaato bhano bhakohura chandachana cheebho, kubha bhiisherereru ghusöha omoghya uyo omuhë kohetera ekehita keeche na kurë amakorobhese gha mote o kobhaha abhaato obhuhöru.

Obhohunyurëru 22:14 Referans Kwoze

Obhohunyurëru 21:27

Amare ghetaanyi‑ho ghyokyose kino keenyi gheghonchu kino gheghusöha mo‑moghya uyo, koru omooto wowoose uno aghuköra amangʼana gha chaasoni hamu ghosiikëra obhuröngö. Amare, abhaato bhano bhaghusöha mo‑moghya uyo m‑bhaare amariina ghaabho ghaandëkuru mo‑Ghitabhu ke Bhuhöru ke Omoona o Ngʼöndu.

1 Yohana 5:3

Koresiigha Eryobha niko ghosooka emeghiro gheeche. Wiiki ghughööta emeghiro gheeche ghotaanyi ghuköngʼu,

Obhohunyurëru 22:7

Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

Yohana 14:15

“Aribha monsiighiri, moghughööta amaraghereri ghaane.

Obhohunyurëru 2:7

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomwisherereri kurë amakorobhese gha mote o kobhaha abhaato obhuhöru. Omote uyo noonyi Mwishaaro mo‑kinyaweera ke Ryobha.’”

1 Abhakorinto 7:19

Ghusaaru hamu ghotigha ghusaaru ghotaanyi no obhwëra. Egheghiro kino keenyi no obhwëra n‑ghughööta emeghiro ghe Ryobha.

Obhohunyurëru 22:2

Orooche ruyo ndoore roraghëri ghateghate e nchëra ankoro e moghya uyo. ꞉Haare no omote uno okobhaha abhaato obhuhöru uno urandiri chambaara choose che rooche. Omote uyo noghusönga amakorobhese mara ikomi na kabhere kwo mooka, kurëngʼaana ne emyëri. Amato ghaache n‑omote o kuhöri amatöngö.

Yohana 10:7

Mbe, Yesu akabhabhoorera wiiki akabhugha, “Mahëënë ˆnekabhabhoorera, eni neeni ekehita ghe changʼöndu.

Yohana 10:9

Eni neeni eghisëku kiyo. Wowoose uno aghusöha mo‑mowaara kohetera ghokoone naghotooribhu, wiiki naghusöha na kohoroka, na ghuye a‑keriisho.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Obhohunyurëru 21:12

Noore ne eribhendo irë ighare, reenyi ne ebhehita ikomi na bhibhere. Kira kehita nkeere kerachongu na marayika, wiiki kira kehita nkeere kyandëkuru eriina re ritöngö rimu re matöngö ghaare ikomi na abhere gha Isiraeri.

1 Abhakorinto 9:5

Ibheere, mokwihëëbha kubha itu totaanyi no obhohuuru bho ghuye no omukari omokumi, mo‑rughëndö ro kuraghani angʼana ighoro e Kirisito, kinya bhuno abhatomu abhande ꞉bhaaköriri, na abhahiiri bha Mutëmi Yesu, na koru Keebha?

1 Abhakorinto 8:9

Amare mwichonge bhoheene, obhohuuru bhoonyu bhotaacha ghughëri bhano bhataamara bhaköngʼëri mo‑bhokumi, bhasöhë mo‑masari.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 4:12

Sookoro wiito Yakobho niwe ꞉atoheere eghesima kino, woose naare aranyo amanche ghano haghirohamu na abhaana bhaache na chaatugho cheeche. Kana, nokwirighi iye m‑mokoro bhobhe komokera iwe?”