Obhohunyurëru 21:6 - Eriiraghano Eriihë

⁶ Akamboorera wiiki akabhugha, “ˆGhakahikeerana! Eni neeni Simoka na Antenero, eni neeni uno niisëëmiri amangʼana ghoose na ghoghamareereri. Omooto woose uno anyi na anyööta, nekomuha bhoowa amanche koru mo‑bherika bhe manche gha bhuhöru, anyo.

Obhohunyurëru 21:6 Referans Kwoze

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Obhohunyurëru 7:17

Neekubha hangʼu gho kubha, Omoona o Ngʼöndu uyo anyi haghuhe ne eghetumbe ghe ghitëmi naakubha omoriishi waabho. Nakobhakangata bhoose ghuye haghuhe ne ebherika bhe manche gha bhuhöru. Naryo Eryobha ndekobhatareki changishori cheebho.”

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

Obhohunyurëru 22:17

Akörö e Ryobha no omokwiru mbakomobherekera Omutëmi bharabhugha, “Nuuche!” Na abhaato bhoose bhano bhakooghu amangʼana ghayo bhabhughe, “Nuuche!” Wowoose uno anyi na anyööta, uno akwënda amanche, ache anyo amanche gha bhuhöru bhoowa.

Obhohunyurëru 1:8

Omutëmi Waryobha nakobhugha kubha, “Eni neeni Simoka na Antenero, uno anyi‑ho, na korwera simoka naare‑ho na naakubha‑ho. Eni n‑Eryobha re Bhotoro Bhoose.”

Abharuumi 3:24

Amare gho ghareeya e Ryobha, ꞉mbiishereriiru kubha abhaato bhano bhaanyi abhahëënë ambërë yaache, taanyi gho koreha ghyokyose. ꞉Mbaatingoriibhu koru mo‑masari ghaabho kohetera Kirisito Yesu.

Obhohunyurëru 22:13

Eni neeni Simoka na Antenero, eni neeni uno niisëëmiri amangʼana ghoose na ghoghamareereri.”

Obhohunyurëru 16:17

Niho marayika o mohungate akahoma eghetibha keeche mwighoro. Nekooghu eriiraka ikoro koru mo‑ghetumbe ghe ghitëmi ke Mwisëngërö re Ryobha, rerabhugha, “Ghoose ˆghaghasira!”

Obhohunyurëru 1:17

Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero.

1 Abhakorinto 2:12

Eryobha ndetoheere itu Akörö yaache, kubha toghamënyë ghano tuhaabhuru gho ghareeya yaache. Mbe, totaakwihëëbha kinya bhuno abhaato bha mo‑se bhakwihëëbha.

Obhohunyurëru 10:6

Akaraheri kwo riina re Ryobha rino reenyi ihöru emiishe ne emiishe, rino ꞉riitëëmiri erishaaro, na ase, na anyancha na ebhetyenyi bhyose bhino bheenyi‑mu. Marayika akabhugha, “Eriibhagha re ghughanya reghiisha.

1 Abhakorinto 3:12

Ighoro e bhoroso bhuyo, omooto naghotora kwabhëka gho sahaabhu, kwo bhyoma, hamu kwo mabhohe gha riighori ikoro, na kwo mete, na kwo bhunyaaki, hamu kwo mato,

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

1 Abhakorinto 3:21

Ibheere omooto wowoose atiihacha gho kubha iwe n‑omughëndi o omooto nyarebhe, gho kubha itu bhoose Eryobha ndetotooriri kobhatoori inyu,

1 Abhakorinto 3:5

Mbe, ibheere, Abhooro n‑niwe? Na neeni Bhawuro n‑niwe? Itu n‑abhatamishi bhano Eryobha retotomiri kobhatoori inyu momokumi Yesu Kirisito. Omooto woose naghuköra emeremo ghino ahaabhuru no Omutëmi.

Yohana 4:11

Omukari wuure akamugharokeri Yesu akabhugha, “Omutëmi, iye toonyi koru ne egheghiro ghe ghutahëra amanche, wiiki eghesima kino n‑kire. Mbe, hayi oghoghabhöna amanche ghayo gha kobhaha abhaato obhuhöru?

Obhohunyurëru 3:14

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Rawotikiya, no omobhoorere obhughe, ‘Eni neeni nekobherekeru Hawubhaabha, gho kubha nekuhëënëhi obhuhëënë bho Ryobha kwo mahëënë. Eni neeni omutange o bhetyenyi bhyose bhino ꞉bhiitëëmuru ne Eryobha. Mutëghëërërë ghano nekobhabhoorera!