Obhohunyurëru 21:4 - Eriiraghano Eriihë

⁴ Ndeghutareki changishori cheebho choose. Eriibhagha riyo, abhaato bhataaghoku koru kwihiinyërëra. Hataakubha ne eriirera koru kubhabhara, gho kubha amangʼana gha kare ngaakubha ghahetiri.”

Obhohunyurëru 21:4 Referans Kwoze

Obhohunyurëru 7:17

Neekubha hangʼu gho kubha, Omoona o Ngʼöndu uyo anyi haghuhe ne eghetumbe ghe ghitëmi naakubha omoriishi waabho. Nakobhakangata bhoose ghuye haghuhe ne ebherika bhe manche gha bhuhöru. Naryo Eryobha ndekobhatareki changishori cheebho.”

1 Abhakorinto 15:26

Omobhisa uno akorumusera ghosireekereru n‑oroko.

1 Yohana 2:17

Ase haghirohamu na amiigha ghaache amabhe, mbekoheta. Amare wowoose uno aghuköra amënda gha Ryobha, naakubha no obhuhöru bho miishe ghyose.

Mataayo 24:35

Erishaaro na ase mbekoheta, amare amangʼana ghaane ghataakoheta naabha.

Obhohunyurëru 21:1

Hano ghayo ghahetiri, nekarighi eriirighi erende. Nekarighi erishaaro eriihë na ase ahë, gho kubha erishaaro e rimbërë na ase a yimbërë mbimariri koheta, na anyancha teere‑ho wiiki.

Obhohunyurëru 20:14

Hano ghayo ghasiriri, oroko na nyaari bhekarëkëru mo‑nyancha e mororo. Anyancha iyo e mororo niyo oroko ro kabhere.

Obhohunyurëru 22:3

Omoghya uyo tookubha ne egheghiro ghyokyose kino kiihiimuru ne Eryobha. Eghetumbe kiire ghe ghitëmi ke Ryobha no Omoona o Ngʼöndu ngeekubha‑mu. Abhatamishi bha Ryobha mbakorisëngëra.

2 Bheetero 3:10

Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.

1 Abhakorinto 7:31

Abhaato bhano bhakunyaaka na amangʼana gha mo‑se ino, bhabhe kinya bhataakunyaakera bhobhe amangʼana ghayo, gho kubha ase ino kinya tokoyerighi ibheere, nekoheta.

2 Abhakorinto 6:17

Gho ghayo Omutëmi Waryobha ꞉naabhughiri wiiki kubha, “Moru ghateghate yaabho, mwiyaahukani nabho. Motaturi egheghiro egheghonchu, niho na neeni nekobhaghënëhi.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

Abheebhuraaniya 12:27

Angʼana ino, “wiiki” nekwërëki haheero kubha ebheghiro bhyose bhino Eryobha ritëëmiri mo‑se ino, mbeghosingisa na koruusibhu‑ho, kubha bhisaaghe ebheghiro bhiire bhetaaghotora ghosingisu.

Obhohunyurëru 20:13

Anyancha ekaruusi abhaku bhano ꞉bhaare‑mu. Oroko na nyaari bhyose bhekaruusi abhaku bhano ꞉bhaare‑mu. Omooto woose aghateneru ekiina kurëngʼaana na amaköri ghaache.