Obhohunyurëru 2:3 - Eriiraghano Eriihë

³ Wiiki, nyeeche munyaakiru chwee gho ghiri e riina reene, amare moghumeriiri na koru ibheere motaamara mutamu.

Obhohunyurëru 2:3 Referans Kwoze

Abheebhuraaniya 10:36

Mokwëndëru mubhe moraghumereri kubha eriibhagha mookubha moraköra ghano Eryobha rekwënda, mubhönë kiire Eryobha ꞉reebharaghiire kobhaha.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

Abhagharatiya 6:9

Gho ghayo, totatamu ghuköra amaköri amachömu! Aribha toraghumereri ghuköra amachömu, ntoghughësa bhoheene eriibhagha re mughësö rerahika.

Abhakorosaayi 1:11

Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

1 Abhakorinto 13:7

Obhosiighi mbokomuköra abhe moghumereri mo‑ghoose, abhe no obhokumi eriibhagha ryose, abhe na amiitëngʼërö eriibhagha ryose, wiiki abhe araghumereri mo‑ghoose.

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Abheebhuraaniya 6:15

Mbe, Abhurahamu ꞉naaghanyiri na ghoghumereri mbagha akabhöna kino Eryobha reere remuraghiire.

Abheebhuraaniya 6:12

Motabha abhatöbhu, amare mweghe gho nchëra e ghokumi na ghoghumereri, koru kwo bhano bhasongʼaaniri ghano Eryobha ꞉riiraghiri kobhaha.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

2 Abhatesaronike 3:13

Amare inyu abhahiiri bhiito, motaku omukörö ghuköra amachömu.

2 Abhakorinto 4:16

Gho ghayo, totaaghoku omukörö, nangabha emebhere ghiito gho nche ngeghusarëka, amare moose yiito Eryobha ndeghotuköra kubha abhahë chaasiko choose.

2 Abhakorinto 4:1

Ibheere, gho kubha Eryobha gho changori cheeche ndetoheere emeremo ghino, totaaghoku omukörö.

Abharuumi 12:12

Muchömëru gho kubha moonyi ne eriitëngʼërö re kubhöna ghoose ghano Eryobha ꞉reebharaghiire. Moghumereri mo‑nyaako ino ekobhabhöna, na mwëndërërë korisabha Eryobha.

Abharuumi 8:25

Amare toriitëngʼëra kuhaabhu egheghiro kino totaaghotora ghokerighi, niho toghoghumereri ghughanya, totaaghoku omukörö.

Ruuka 14:27

Omooto uno ataaghughëgha omusarabha waache, na ghuntambana, taaghotora kubha omoonamwegha waane.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

2 Bheetero 1:6

Wiiki obhumënyi bhuyo bhwëngëru ghwikangata, na ghwikangata kuyo kwëngëru obhoghumereri, no obhoghumereri bhuyo bhwëngëru ghuköra ghano ghakwëndëru ambërë e Ryobha.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

2 Abhakorinto 11:23

Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.

2 Abhakorinto 5:9

Mbe, tubhe mo‑mebhere ghino, hamu totabha mo‑mebhere ghino, ekebhune kiito n‑komuchömëri Omutëmi.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Ruuka 18:1

Yesu akabhabhoorera abhaanabheegha bhaache eghetuubhaani kino, köbhëërëki kubha mbakwëndëru korisabha Eryobha chaasiko choose na bhataku omukörö.

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

Abheebhuraaniya 13:13

Mbe, na niitu ntomutambane anche e kehita kiyo na ghoghumereri chaasoni kinya bhuno iwe aghumeriiri.

1 Timotewo 5:17

Abhagharuka bhano bhakwimeererera eriikanisa bhoheene, bhasooku na korehu bhoheene, ahanene bhano bhakwiruusi kuraghani na kweghi abhaato.

2 Abhatesaronike 3:8

koru totaraghiire ebhiinyakurë bhe mooto wowoose bhoowa. Amare ntoore toraköra emeremo gho ghwiköngʼi obhotiko no omwishe, kubha totamunyaaki omooto wowoose ghate yaanyu.

2 Abhatesaronike 3:5

Omutëmi aghikangate emetema gheenyu mumënyë bhoheene obhosiighi bho Ryobha no obhoghumereri bhuno bhwërëkuru na Kirisito.

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

Abhabhiribhi 4:3

Koru iye uno onyi omutamishi omughëndi waane omuhëënë, neghusabha obhasakeri abhakari bhayo bhabhere bhabhe no obhoghwani. Bhayo bhoose bhabhere ꞉mbiiköngʼiri chwee haghirohamu na neeni kuraghani Angʼana Anchömu e Yesu Kirisito mo‑bhaato. Wiiki abhakari bhayo mbaare bharaköra emeremo haghirohamu na Kireementi na abhahöki bhaghëndi bhaane abhande. Amariina gha bhaato bhayo bhoose ngaandëkuru mo‑Ghitabhu ke Bhuhöru.

Abhabhiribhi 2:16

Wiiki mobharaghaneri abhaato bhakumi Angʼana e Kirisito ino ekobhaha obhuhöru bho miishe ghyose. Mukörë hangʼu kubha nibhönë ghe kwihachera mo‑rosiko ruure Kirisito aghugharuka gho kubha emeremo ghino ꞉niiköngʼiri ghuköra ghateghate yaanyu ghetaare ghe bhoowa.

Abhagharatiya 6:2

Mubhe moratoorani gho ghusakerani obhorito bho merigho gheenyu. Niho mokohikeerani emeghiro ghe Kirisito.

2 Abhakorinto 10:15

Wiiki totaakwihachera emeremo ghe bhaato abhande ghino totahaabhuru. Amare ntoghwitëngʼëra kubha, kinya bhuno obhokumi bhoonyu bhokwëndërëra kwiyëngëra chwee, nibhu emeremo ghiito ghateghate yaanyu gheekubha gheriyëngëra.

2 Abhakorinto 6:5

Ntutëmuru, na ntubhöhuru mo‑maghërëcha, na ntuchëëruru na amakinda gha bhaato, na ntuköriri emeremo miköngʼu, na ntobhoriri chandöörö ne ebhiinyakurë.

Abharuumi 16:12

Momukëëri Taribhayina na Tiribhosa. Abhakari bhayo mbaghwiköngʼi chwee ghuköra emeremo ghe Mutëmi Yesu Kirisito. Wiiki, momukëëri omosiighani waane Bherisiisi. Uno woose n‑omukari uno iköngʼi chwee ghuköra emeremo ghe Mutëmi Yesu Kirisito.

Ruuka 21:19

Obhuhöru bhoonyu mboghotooribhu, hano moghoghumereri.

Maariko 15:21

Hano ꞉bhaare mo‑nchëra, bhaghatëmëërana no omooto umu uno are araru a‑moghondo, eriina reeche Simiyooni, o mo‑moghya o Kireene. Omooto uyo naare ishe Arekisanta na Ruubho. Abhaashirikare bhakamuhaamereri aghëghë omusarabha o Yesu.

1 Abhatesaronike 5:12

Ibheere bhahiiri bhiito, ntokobhasabha mobhasooke bhano bhakobhatoori inyu, na kobhakangata kwo bhukangati bho Mutëmi Yesu na kobhatöngëra.

1 Abhakorinto 16:16

mubhe morabhasooka abhaato kinya bhayo, na abhande bhoose bhano bhaghuköra emeremo ghiyo haghirohamu nabho gho ghwiköngʼi.

Ruuka 5:5

Simiyooni akamugharokeri akabhugha, “Oo Omutëmi wiito, ntoweesiine gho changuru obhotiko bhoghima, amare totaabhwine gheghiro ghyokyose! Mbe, neghochiiki charwërö ibheere gho kubha n‑iye ˆokabhugha.”