Obhohunyurëru 2:23 - Eriiraghano Eriihë

²³ Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Obhohunyurëru 2:23 Referans Kwoze

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Abharuumi 8:27

Eryobha niryo rehiisuncha ghoose ghano ghaanyi mo‑metema ghiito, niryo ryeche amiihëëbhö gha Körö Ahörëëru, gho kubha Akörö iyo nekobhasabhera abhatööbhiyu bha Ryobha kinya bhuno Eryobha resiighiri.

Amaköri gha Bhatomu 1:24

Hano bhamariri, bhakarisabha Eryobha bharabhugha, “Omutëmi, iye niiye oghyeche emetema ghe bhaato bhoose. Ibheere, ntoghusabha otwërëki n‑niwe ghate e bhano bhabhere uno wahwire.

1 Bheetero 1:17

Inyu mokorebherekera Eryobha, Taata. Iryo retaakwahukani omooto wowoose, amare ndeghotenera ekiina abhaato bhoose kurëngʼaana na amaköri ghano ꞉bhaaköriri. Gho ghayo, mumanye gho korisëngëra Eryobha kwo riibhagha rino risaaghiri ghokoonyu re kumanya hano mo‑se kinya abhaghëni.

Obhohunyurëru 20:12

Nekarighi abhaku bhoose, bhano bhaanyi ne emyeya na bhano bhataanyi ne emyeya bhiimeeriire ambërë e eghetumbe kiire ghe ghitëmi. Niho ebhitabhu bhino bhyandëkuru amaköri gha bhaato bhoose bhekahunyuru. Wiiki eghitabhu ekende ghekahunyuru, kiyo n‑Eghitabhu ke Bhuhöru keere. Abhaku bhayo ꞉mbaateniiru ekiina kurëngʼaana na amaköri ghaabho ghano ꞉ghaandëkuru mo‑ghitabhu muyo.

Abheebhuraaniya 4:13

Wiiki ghetaanyi‑ho eghetyenyi ghyokyose kino kiibhisiri ambërë e Ryobha. Ebheghiro bhyose mbeenyi haheero ambërë yaache, iwe niwe tokomobhoorera emeremo ghiito ghyose ghino toore toraköra.

2 Abhakorinto 5:10

Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.

Obhohunyurëru 2:11

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, omororo o miishe ghyose tookomoturi naabha. Omororo uyo n‑oroko ro kabhere.’”

Obhohunyurëru 2:7

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomwisherereri kurë amakorobhese gha mote o kobhaha abhaato obhuhöru. Omote uyo noonyi Mwishaaro mo‑kinyaweera ke Ryobha.’”

Abharuumi 14:12

Gho ghayo, omooto woose ghate yiito, naghwitonda omwene ambërë e Ryobha.

Yohana 21:17

Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.

Obhohunyurëru 6:8

Niho nekarëkëra amiisho nekarighi abharaasi e range ambusuku. Mbe, uno are ayetiiriri naare arabherekeru Oroko, wiiki Nyaari ꞉haare haramoru anyuma yaache. Nabho bhakahaabhu obhotoro bho ghwita imu kwi inye e bhaato mo‑se, kwo riihë, na gho gheecha, na kwo mabhabharu na gho chatyenyi chahaari chi ibhara.

Abhagharatiya 6:5

gho kubha omooto woose nakwëndëru ghughëgha omorigho waache omwene.

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

Obhohunyurëru 20:13

Anyancha ekaruusi abhaku bhano ꞉bhaare‑mu. Oroko na nyaari bhyose bhekaruusi abhaku bhano ꞉bhaare‑mu. Omooto woose aghateneru ekiina kurëngʼaana na amaköri ghaache.

Obhohunyurëru 22:12

Yesu nakobhugha, “Mööhi! Nekuucha bhwango. Nekuucha nemorehe omooto woose kurëngʼaana na amaköri ghaache.

Yohana 4:16

Yesu akamugharokeri akabhugha, “Nooghi omobherekere omosubhe waacho, uche nawe hano.”