Obhohunyurëru 2:16 - Eriiraghano Eriihë

¹⁶ Mbe, motuukuune! Moraanga ghotuukuuna, nekuucha kwo bhwango kubha niröönë na abhaato bhayo gho kinyamiino kino gheekoru mo‑monu waane.

Obhohunyurëru 2:16 Referans Kwoze

2 Abhatesaronike 2:8

Hayo niho Omwigharurani uyo akorighibhu, amare Omutëmi Yesu hano akuucha, nakomwita no omwika koru mo‑monu waache. Wiiki nakomosireekereri kwo murëngaari o kuucha kooche.

Obhohunyurëru 1:16

Naare na chanchöta mohungate mo‑kubhökö gho kwiro. Ekinyamiino ekyeghi, nkeere keraru mo‑monu waache. Obhosho bhooche mboore bhorarëngaari kinya omu omororo.

Obhohunyurëru 2:5

Mohiite ghano ꞉muuköriri eriibhagha moore mokeere ghotigha obhosiighi bhoonyu. Moramara motuukuune, mukörë ghaare ꞉muuköriri eriibhagha riire. Moraanga ghotuukuuna, nekuucha na koruusi egheghiro keenyu ghe ghotoorera‑mu oromore.

Abhaebheeso 6:17

Obhotoori, bhubhe kinya eriihima re kyoma mo‑mitu gheenyu, na angʼana e Ryobha, ibhe kinya ekinyamiino kino mokuhaabhu na Akörö Ahörëëru.

Obhohunyurëru 19:21

Omooto uyo are ikeere ighoro e bharaasi ayeero, akahökëri ekinyamiino kino ꞉keeruure mo‑monu waache ghwita bhano bhasaaghiri. Ne ebhinyönyi bhiyo bhyose bheekare chaanyama cheebho, bheghiighöta chwee.

Obhohunyurëru 19:15

Ekinyamiino ekyeghi nkehaaru mo‑monu waache kubha, ahiche abhaato bha matöngö. Naghoghakangata no obhotoro bhokoro. Iwe niwe ahaatacha chasabhiibhu mo‑gheghiro ghe ghochemitera, kino ghekwërëki obhororo bho Ryobha re Bhotoro Bhoose.

Obhohunyurëru 2:12

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bherighamo, no omobhoorere obhughe, ‘Neenyi ne ekinyamiino kyeghi. Mutëghëërërë ghano nekobhabhoorera!

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.

Obhohunyurëru 22:7

Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”

Obhohunyurëru 16:9

Abhaato bhagheekibhu kobhe chwee. Bhakaretoka Eryobha gho kubha ndeere no obhotoro ighoro e chanaabhi chino, amare bhatatuukuuniri koru bhatareghongiri.

Obhohunyurëru 22:20

Iwe uno akoruusi obhwibhateri bhooche ighoro e mangʼana ghano nakobhugha, “Hëënë, ˆnekaacha bhwango.” Hawubhaabha. Nuuche Omutëmi Yesu!