Obhohunyurëru 2:10 - Eriiraghano Eriihë

¹⁰ Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 2:10 Referans Kwoze

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

1 Bheetero 5:4

Hano Omoriishi Omokoro o riikanisa akuucha korighibhu haheero, nakobhatuha chaatuho che bhokumi obhokoro. Chaatuho chiyo chetaakobhusha naabha.

Maariko 13:13

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Abhaebheeso 6:12

Nekobhugha hangʼu gho kubha, eriihë riito retaanyi ghate yiito na abhaato. Amare ntokurööna ne emisambu ghino gheenyi no obhotoro, ghino gheghukangata ase ino e kengʼuuri, ghyose ghino ngighöötëriire mo‑se ino etaakorighibhu.

Obhohunyurëru 2:9

Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

Mataayo 24:13

Amare wuure aghoghumereri mbagha mo‑ntenero, uyo niwe naghotooribhu.

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

1 Abhakorinto 9:25

Bhano bhaghokindana mo‑riibhina, mbahihööchërëra mo‑maaru gho ghiri e ghokindana. Mbaghuköra hangʼu kubha bhasongʼaane atuho ino eghusarëka. Amare itu ntoghuköra hangʼu, kubha tubhönë atuho ino etaaghusarëka.

Mataayo 10:28

Motabhatiina bhano bhaghwita omobhere, amare bhataaghotora ghwita akörö. Mokwëndëru moretiine Eryobha eryene chiri rino reghotora ghosireekereri omobhere haghirohamu na akörö mo‑riiribha re mororo.

Obhohunyurëru 13:7

Ghoghiisherereru kurööna na abhatööbhiyu na kobhahicha. Ghokahaabhu obhotoro bho ghukangata abhaato bha matöngö ghoose, na bha abhahiiri bhoose na bha bhighambo bhyose na chaase choose.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Yohana 13:2

Yesu na abhaanabheegha bhaache bhaghiikara kurë ekiinyakurë ke mughörööbha. Eriibhagha riyo, Erishambu ndeere remotebhiritebhiri Yuuta, omoona o Simiyooni Isikariyoote, kubha amwigharurani Yesu.

Yohana 12:25

Omooto wowoose uno akwënda kobhuhöni obhuhöru bhooche, nakobhobhori obhuhöru bho miishe ghyose, amare omooto wowoose uno ataakobhotereera obhuhöru bhooche mo‑se ino, uyo nakobhuhöni obhuhöru bhooche, kubha bhubhe bho miishe ghyose.

Ruuka 21:12

“Amare, hano ghaakubha ghayo ghoose ghakeere kwiyërëkani, abhaato mbakobhaghööta na kobhahira mo‑masinaghooghi, na mbakobhabhöha mo‑maghërëcha, bharabhanyaaki. Wiiki mokohiru ambërë e bhatëmi na abhakangati, gho kubha inyu m‑bhaghëndi bhaane moonyi.

Maariko 8:35

Gho ghayo omooto uno akwënda kobhuhöni obhuhöru bhooche, nakobhori obhuhöru bho miishe ghyose. Mahëënë wuure akoruusi obhuhöru bhooche gho ghiri yaane na gho ghiri e Ngʼana Anchömu, nakobhotoori.

Obhohunyurëru 13:2

Oghotyenyi ghuyo ngoore ghotuubhiine na angwe, amare amaghoro ghaache ngaare ghanga gha dubhu, no omonu waache noore onga o ka. Oghuchöka ghuyo ghookaha oghotyenyi changuru cheeche, ne eghetumbe keeche ghe ghitëmi no obhotoro bhwaru.

Amaköri gha Bhatomu 21:13

Amare aghatugharokeri akabhugha, “Ghwake mokorera na kwënda koonyita omukörö? Kana eni niisheriiri kubhöhu, koru ghwitu iyo Yerusareemu gho ghiri e riina re Mutëmi Yesu.”

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

Yohana 13:27

Yuuta hano amariri kwimoki egheteneka kiire ke mughaate, Erishambu rekamusöhërëra Yuuta. Yesu akamobhoorera akabhugha, “Ghano okwënda ghuköra, ghakörë bhwango!”

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Obhohunyurëru 17:14

Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”