Obhohunyurëru 19:8 - Eriiraghano Eriihë

⁸ Omokwiru nahaabhuru angibho e ghitani inchömu ino ere yeero wiiki erabharibhari chwee.” Angibho iyo anchömu egheteemoro keeche n‑amaköri amachömu gha bhatööbhiyu.

Obhohunyurëru 19:8 Referans Kwoze

Obhohunyurëru 3:18

Gho ghayo, nekobharwacha moghore koru ghokoone asahaabhu ino yeghuru no omororo kubha mubhe abhaame. Moghore angibho ayeero, mobhise ekingʼaabhi keenyu kubha motarighi chaasoni. Wiiki moghore omote o kuhaka mo‑miisho kubha motore korighi.

Abharuumi 13:14

Amare ibheere, mo‑riimanya reenyu ryose, mubhe morakangatu no Omutëmi Yesu Kirisito. Motiishereri koru hasuuhu ghukangatu na simoka yaanyu e masari moratambana amiigha ghaanyu amabhe.

Maariko 9:3

Amaghööti ghaache ghaghasëëma kubharibhari chwee. Ghaakabha meero ghokera omohuri wowoose mo‑se ino uno angatoriri ghoghahura.

Mataayo 22:12

Akamobhoori akabhugha, ‘Oo musaani, nibhu uköriri oghasöha muno ino otabheekiri erighööti re mwirugha?’ Amare omooto uyo tabhwine re komugharokeri.

Obhohunyurëru 15:4

Oo Omutëmi, abhaato bhoose bhaghusëngërë na koreghongi eriina reecho, gho kubha iye omwene chiri niiye omutööbhiyu. Abhaato bha matöngö ghoose mbakuucha na ghoghusëngëra, gho kubha amaköri ghaacho gha hëënë ngakorighibhu haheero.”

Amaköri gha Bhatomu 1:10

Hano bhaare bhagharameriiri mwishaaro, hayo hayo abhaato bhabhere bhakiimeerera haghuhe nabho bhabheekiri amaghööti ameero chayi!

Ruuka 24:4

Eriibhagha ꞉bhaare bhakeere bhahahiri ighoro e ghayo, hayo hayo abhaato bhabhere bhakiimeerera haghuhe nabho, bhabheekiri amaghööti gha kubharibhari meero chayi.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,

Mataayo 17:2

Hano ꞉bhaare iyo, Yesu aghiigharura eghisösö keeche ambërë yaabho. Obhosho bhooche bhoghiigharura bhoghaköra emirëngaari kinya eryobha na changibho cheeche chekeera chayi, kinya obhwero.

Obhohunyurëru 15:6

Bhamarayika mohungate bhaare bhaanyi na chanaabhi mohungate bhaakaru muyo. Mbaare bhabheekiri changibho che ghitani cheero na che kurëngaari, bhibhöhiri chaaköbha ingare chino chiköruru na sahaabhu mo‑bhekubha bheebho.

Obhohunyurëru 19:14

Abhakëëya bha Mwishaaro mbaare bharamoru anyuma. Mbaare bhabheekiri changibho cheero che ghitani inchömu, na mbaare bhatiiriri chabharaasi cheero.