Obhohunyurëru 19:18 - Eriiraghano Eriihë

¹⁸ Muuche mori chaanyama che bhatëmi, na che bhantomonkoro bha riihë, na che bhaato bha changuru. Mori chaanyama che chabharaasi na che bhayaari bha chabharaasi chiyo. Mori chaanyama che bhaato bhoose, abhasësë na bhano bhaanyi huuru, na bhano bhaanyi ne emyeya emekoro ne emesuuhu.”

Obhohunyurëru 19:18 Referans Kwoze

Obhohunyurëru 6:15

Niho abhatëmi bha se, na abhakoro, na abhantomonkoro bha riihë, na abhaame, na abhaato bhano bhaanyi ne emyeya, haghirohamu na abhaato bhoose abhande, ibhe n‑abhasësë hamu bhano bhataanyi abhasësë, bhoose bhakiibhisa mo‑chakoobho na mo‑matare gha mo‑bheghoro.

Obhohunyurëru 13:16

Oghotyenyi ghuyo gho kabhere ghokahaamereri abhaato bhoose, bha myeya emekoro ne emesuuhu, abhaame na abhahabhe, na bhano bhaanyi no obhohuuru na abhasësë, bhatooru ekingʼöchö mo‑kubhökö gho kwiro hamu mo‑bhosho.

Ruuka 17:37

Abhaanabheegha bhakamobhoori bhakabhugha, “Omutëmi, hayi ghaghuköru ghayo?” Akabhagharokeri akabhugha, “Ahaghiro hano haanyi na ataasa, hayo niho chamatoonyi chehiikomana haghirohamu.”

Mataayo 24:28

Neekubha haheero, kinya ahaghiro hano haanyi na ataasa, hayo niho chamatoonyi chehiikomana haghirohamu.

Obhohunyurëru 11:18

Abhaato bhano bhataaghoghokumi ꞉mbaakurëghiri, amare eriibhagha re korehani asiire ˆrekahika. Ibheere n‑eriibhagha re ghoteneru ekiina abhaato bhano bhakuure. Niryo eriibhagha re kobhatuha abhatamishi bhaacho abharööti, na abhatööbhiyu bhaacho bhoose bhano bhaghosookiri, bha myeya emekoro ne emesuuhu. Rino niryo eriibhagha re ghusari abhaato bhoose bhano bhaghusari ase.”

Obhohunyurëru 17:16

Chahëmbë chiire ikomi no oghotyenyi ghuyo mbekomurëgha omusöngörëëri wuure. Mbakwimoki obhwame bhooche bhoose na komotigha kingʼaabhi. Mbaakurë chaanyama cheeche, na bhino bheghusaagha, mbekurëkëru mo‑mororo.

Obhohunyurëru 19:5

Mbe, nekooghu eriiraka erende koru mo‑ghetumbe ghe ghitëmi rerabhugha, “Momoghongi Waryobha wiito, inyu abhatamishi bhaache bhoose. Momoghongi inyu bhano mokomusëngëra, bhano moonyi ne emyeya emekoro ne emesuuhu!”