Obhohunyurëru 18:6 - Eriiraghano Eriihë

⁶ Kinya abhaköriire abhande, inyu bhoose momukörërë hangʼu hangʼu. Wiiki momukörërë amabhe mara kabhere e ghano abhaköriire abhande. Mwimoki eghisënchö keeche, momotoorere obhororo mara kabhere e bhuno ꞉abhatooriire inyu.

Obhohunyurëru 18:6 Referans Kwoze

Obhohunyurëru 16:19

Niho omoghya omokoro o Bhabheeri oghataana ebheteneka bhitato ne emeghya emekoro ghe matöngö gheghasarëka ghyose. Naryo Eryobha reteebhuru omoghya wuure omokoro o Bhabheeri. Rekawuhaamereri onyo koru mo‑ghisënchö ke divaayi e ghukarara kwo bhororo bhooche.

Obhohunyurëru 14:10

omooto uyo woose naakunyo adivaayi e bhororo bho Ryobha. Adivaayi iyo n‑indoro kinya amaro ghano ghatasangeriini na amanche. Eryobha eryene ndekomwitoorerera omooto uyo mo‑ghisënchö ke bhororo bhooche, anyo. Eryobha ryose ndekomunyaaki mo‑mororo muhaari chwee ambërë e bhamarayika abhatööbhiyu na ambërë e Moona o Ngʼöndu.

Obhohunyurëru 17:4

Omukari uyo naare abheekiri changibho inchömu che range e sambaraawe na ambararatu. Wiiki naare ichöchiri gho sahaabhu, na amabhohe gha riighori ikoro na ruuru. Mo‑kubhökö kooche, naare aghöötëriire eghisënchö ghe sahaabhu kino keere ghiichwire amangʼana amasineenu ne ebheghiro ebheghonchu bhe bhutaari bhooche bhuyo.

2 Timotewo 4:14

Arekisanta, omoturi o bhyoma, ꞉naanköriire amangʼana amabhe chwee. Omutëmi Yesu nakomotenera ekiina kurëngʼaana na amaköri ghaache.

Obhohunyurëru 17:2

Abhatëmi bha se mbataariri nawe, na abhaato bha se nabho mbarëëwuru no bhutaari bhooche, kinya omooto uno anywire amaro.”

Obhohunyurëru 13:10

Omooto uno ꞉ëndiiru ghughöötu mwihë, naghughöötu mwihë. Omooto uno ꞉ëndiiru ghwitu ne ekinyamiino, naghwitu ne ekinyamiino. Ibheere abhatööbhiyu mbakwëndëru bhaghumereri na ghokumi.

Obhohunyurëru 18:20

Muchömëru inyu bhano mumanyiri Mwishaaro. Muchömëru abhatööbhiyu, na abhatomu na abharööti, gho kubha Eryobha ndeteniire ekiina omoghya uyo gho ghaare obhaköriire inyu.