Obhohunyurëru 18:24 - Eriiraghano Eriihë

²⁴ Mo‑moghya muyo, ngaare‑mu amasaahë gha bharööti na gha bhatööbhiyu, haghirohamu na amasaahë gha bhaato bhoose bhano bhiituru mo‑se ino.”

Obhohunyurëru 18:24 Referans Kwoze

Obhohunyurëru 17:6

Nekarighi omukari uyo arëëwuru gho kunyo amasaahë gha bhatööbhiyu bhano bhiituru gho kubha mbaare abhiibhateri bha Yesu. Hano nemorooche, nekaroghoora chwee.

Obhohunyurëru 16:6

Abhaato abhabhe ꞉mbiitiri amasaahë gha bhatööbhiyu bhaacho na abharööti bhaacho, na niiye nobhaheere amasaahë, bhaghanyo. Mbarëngʼaaniire anchagho iyo!”

Obhohunyurëru 19:2

gho kubha ghotena ekiina kooche n‑kwo mahëënë no obhuhëënë. Nateniire ekiina omusöngörëëri omokoro uno asariri ase kwo bhutaari bhooche. Eryobha ndemorehiini asiire gho ghiri e masaahë gha bhatamishi bhaache.”

Amaköri gha Bhatomu 7:52

Kana, naanyi‑ho omurööti koru umu uno bhasookoro bhaanyu bhataamunyaakiri? Mbaare bharabhiita koru abharööti bhano ꞉bhaare bhararuusi obhurööti ighoro e kuucha kwo wuure Omuhëënë o Ryobha! Uyo niwe uno inyu ꞉moomwigharuriini, mokamwita.

Obhohunyurëru 11:7

Hano bhakumara kuraghani angʼana e Ryobha, atyenyi inkoro yiire ino etiiriri koru mwirooma re mashambu, nekurööna nabho. Nekobhahicha na kobhiita.

Mataayo 23:35

Gho ghayo, Eryobha ndekobhatenera ekiina inyu gho ghiri e kobhiita abhaato bhoose bhano ꞉bhaare bharëngʼaaniire ambërë e Ryobha. Muköriri hangʼu, korwera hano Kaayini itiri Abheeri uno ataare ne eriisari ryoryose, mbagha ghwitu gho Sakariya, mwërëëti o Bharakiya. Bhasookoro bhaanyu ꞉mbaamwitiri Sakariya Mwisëngërö ghateghate e Haghiro Ahatööbhiyu na ha koruuseri amaruusi.

Mataayo 23:27

“Horeera mokorighi inyu abheeghi bha meghiro na inyu Amabharisaayo, inyu chaghughuuti, gho kubha moonyi kinya chambeehera chino bhahakiri anyeenyi, chino chekorighibhu gho nche bhoheene, amare moose nchiichwire amaghuha gha bhaato bhano bhakuure no obhoghonchu bho manga maaru.

1 Abhatesaronike 2:15

Abhayahuuti bhayo, nibho bhamwitiri Omutëmi Yesu na abharööti bha kare. Wiiki nibho bhatunyaakiri itu. Abhaato bhayo, mbakorikarari Eryobha, wiiki nibho abhabhisa bha bhaato bhoose,