Obhohunyurëru 18:23 - Eriiraghano Eriihë

²³ Hayo hataakubha no omurëngaari o romore wiiki, koru chanyangi che ghokwira hamu ghokwiru chetaakubha‑mu wiiki. Omoghya o Bhabheeri noghuköru hangʼu, gho kubha abhasorocha bhaache mbaare abhaato abhakoro bha se, na gho kubha amatöngö ghoose ngangʼiinuru gho kohetera obhoturutumbi bho moghya uyo.

Obhohunyurëru 18:23 Referans Kwoze

Obhohunyurëru 18:3

Nooghwire gho kubha abhaato bha matöngö ghoose mbanywire adivaayi yaache, mbarëëwuru na amiigha gha bhutaari bhooche, na abhatëmi bha se mbaare bhataariri nawe. Abhasorocha bha mo‑se ꞉mbaamihiri gho ghiri e bhwaru bho bhwame bhooche bhuno bhotaanyi ne ekirëngërë.”

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 18:22

Mo‑moghya muyo motaakooghu wiiki amaraka gha bhaato bhano bhakwemba, na ghutëma amatingo, ne ebherereesi hamu chantaara. Taakubha‑ho omukaari wowoose, koru tokooghu omooto arase mo‑robhohe!

Obhohunyurëru 18:9

Abhatëmi bha se bhano ꞉bhaataariri nawe na ghusanga obhwame bhooche, mbakorera na kwihiinyërëra bharaacha korighi eryoki re ghosireekerera kwo moghya uyo.

Obhohunyurëru 17:5

Mo‑ghesho keeche ꞉haare haandëkuru eriina rino egheteemoro keeche keere kiibhisiri. Eriina eryene niryo rino, omoghya omokoro o bhabheeri, nyina o bhasöngörëëri no o mangʼana amasineenu gha se.

Obhohunyurëru 17:2

Abhatëmi bha se mbataariri nawe, na abhaato bha se nabho mbarëëwuru no bhutaari bhooche, kinya omooto uno anywire amaro.”

Obhohunyurëru 22:5

Mo‑moghya uyo, hataakubha no obhotiko wiiki. Abhaato bhataakubha bharëënda obhwero bho romore hamu bho mu, gho kubha Omutëmi Waryobha naakubha obhwero bhoobho. Nabho abhaato bhayo mbaghukangata emiishe ne emiishe.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Amaköri gha Bhatomu 8:11

Abhaato bhayo ꞉mbaamutëghëëriire gho kubha, kwo riibhagha irë naare arabharoghoori kwo bhoturutumbi bhooche.

Obhohunyurëru 6:15

Niho abhatëmi bha se, na abhakoro, na abhantomonkoro bha riihë, na abhaame, na abhaato bhano bhaanyi ne emyeya, haghirohamu na abhaato bhoose abhande, ibhe n‑abhasësë hamu bhano bhataanyi abhasësë, bhoose bhakiibhisa mo‑chakoobho na mo‑matare gha mo‑bheghoro.

Obhohunyurëru 9:21

Bhatatuukuuniire ghwitana koobho, no obhoturutumbi bhoobho, no obhutaari bhoobho no obhwibhi bhoobho.