Obhohunyurëru 17:17 - Eriiraghano Eriihë

¹⁷ Eryobha eryene ndebhaköriri bhabhe ne eryënda rimu re kuha oghotyenyi ghuyo obhotoro bhoobho bho ghukangata. Hangʼu nibhu bhaghuköra mbagha bhohikeerane obhorwachi bho Ryobha.

Obhohunyurëru 17:17 Referans Kwoze

Obhohunyurëru 10:7

Hano marayika o mohungate akuucha ghutëma antaara yaache, Eryobha ndekohikeerani obhorwachi bhooche bho kebhisere. Ngakohikeerana kinya abharaghaniiri abhatamishi bhaache abharööti.”

2 Abhakorinto 8:16

Nekoriitabheri Eryobha gho kubha ndemoheere Tiito omukörö uno neenyi nawe eni o kobhasakeri inyu.

Yohana 13:2

Yesu na abhaanabheegha bhaache bhaghiikara kurë ekiinyakurë ke mughörööbha. Eriibhagha riyo, Erishambu ndeere remotebhiritebhiri Yuuta, omoona o Simiyooni Isikariyoote, kubha amwigharurani Yesu.

Obhohunyurëru 17:13

Abhatëmi ikomi bhayo mbaakubha ne eryënda rimu, mbaakuha oghotyenyi ghuyo obhotoro bhoobho na changuru cheebho choose.

Yohana 13:18

“Nteeghosiikëra ghano gho ghiri yaanyu bhoose. Nebheeche abhaato bhano nebhahwire kubha abhaanabheegha bhaane. Amare ngakwëndëru ghahikeerane Amandëkö Amatööbhiyu ghano ghakobhugha kubha, ‘Musaani waane uno are araraaghëra haghirohamu na neeni, aghiigharura kubha omobhisa waane.’

Ruuka 22:22

Omoona o Mooto, naaghuye ghwitu, kinya bhuure are ëndiiru. Amare, horeera nakorighi wuure akuucha komwigharurani!”

Obhohunyurëru 15:1

Mbe, nekarighi ekyërëkërëri ekende Mwishaaro. Nkeere ghekoro na ghe koroghoori. ꞉Neerooche bhamarayika mohungate bhararëëta chanaabhi mohungate che kumareereri. Chanaabhi ghiyo ncheere che kumareereri obhororo bho Ryobha.

Yohana 19:28

Hano ghayo ghahetiri, Yesu akamënya kubha naare amariri ghoghiköra emeremo gheeche ghyose. Mbe, aghasiikëra akabhugha, “Nekooghu anyööta.” Ghayo ꞉ngaarweriire ghahikeerane ghano ghaandëkuru mo‑Mandëkö Amatööbhiyu.

Yohana 19:24

Mbe, bhakabhoorani bhakabhugha, “Totayitandura andachana ino, amare tutëmë akuura kubha ibhe yaawe.” Ghayo ꞉ngaaköruru kubha ghahikeerane ghano ghaandëkuru mo‑Mandëkö Amatööbhiyu kubha, “Bhakahööha changibho cheene, na ghutëmëra akuura andachana yaane.” Mbe, hangʼu nibhu ꞉bhaaköriri abhaashirikare bhaare.

Yohana 10:35

Ngaandëkuru mo‑Mandëkö Amatööbhiyu kubha abhaato bhano bhasongʼaaniri angʼana e Ryobha, Eryobha ꞉ndeebhaghambiri kubha n‑emisambu. Na niitu ntweche kubha ghano ghaandëkuru mo‑Mandëkö Amatööbhiyu m‑mahëënë chaasiko choose.

Ruuka 22:37

Yandëkuru, ‘Nabhareriinu haghirohamu na amanyangara.’ Amangʼana ghano ngaandëkuru ighoro yaane. ˆNekabhabhoorera kubha nekwëndëru ghaköru ghokoone, nagho haghuhe ghaanyi kohikeerana.”

Ruuka 22:3

Mbe, Erishambu rekamusöhërëra Yuuta, uno akobherekeru Isikariyoote, umu o bhaanabheegha ikomi na bhabhere bha Yesu.

Obhohunyurëru 6:11

Niho bhoose bhano ꞉bhiituru, bhakahaabhu chandachana echeero. Bhakabhooreru kubha bhaghanye kwo riibhagha ighuhe, mbagha abhahiiri bhaabho, abhatamishi abhaghëndi bhaabho, bhiitu kinya ibho ꞉bhiituru, kubha omubharo waabho ohikeerane.

Obhohunyurëru 19:9

Marayika uyo akamboorera akabhugha, “Andëka, ngʼoni bhano bharaghiinu mo‑nyangi e riirugha e Omoona o Ngʼöndu.” Wiiki akamboorera akabhugha, “Ghano nighambiri n‑amangʼana gha mahëënë gha Ryobha.”