Obhohunyurëru 16:15 - Eriiraghano Eriihë

¹⁵ Omutëmi Yesu nakobhugha, “Mööhi! Nekuucha kinya bhuure omwibhi ahaacha ataraghiini. Ngʼoni uno aghutënga na kobheeka changibho cheeche kubha ataacha ghughënda kingʼaabhi na ghosookibhu.”

Obhohunyurëru 16:15 Referans Kwoze

Obhohunyurëru 3:18

Gho ghayo, nekobharwacha moghore koru ghokoone asahaabhu ino yeghuru no omororo kubha mubhe abhaame. Moghore angibho ayeero, mobhise ekingʼaabhi keenyu kubha motarighi chaasoni. Wiiki moghore omote o kuhaka mo‑miisho kubha motore korighi.

2 Bheetero 3:10

Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.

Mataayo 25:13

Yesu akëëndërëra kobhabhoorera abhaanabheegha bhaache arabhugha, “Mbe, mubhe amiisho gho kubha moteeche orosiko, koru eriibhagha rino eni neghugharuka.”

2 Abhakorinto 5:3

Hano tokobheeku emebhere emihë ghe Mwishaaro, totaakubha kingʼaabhi.

Maariko 14:38

Niho akabhabhoorera akabhugha, “Mutëngë na ghusabha, motaacha ghusöha mo‑masaki. Akörö nekwënda ghoghumereri amasaki, amare omobhere toonyi na changuru.”

Amaköri gha Bhatomu 20:31

Gho ghayo, mubhe amiisho! Mubhe morahiita kubha, ꞉niimariri emeeka etato, obhotiko no omwishe nerabhashaangʼi omooto woose, gho changishori.

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

Ruuka 21:36

Gho ghayo, mubhe miisho eriibhagha ryose! Mwiköngʼi ghusabha Eryobha, kubha rebhatoori ghwisacha ghayo ghoose ghakuucha korwera, muuche motore kwimeerera ambërë yaane eni Omoona o Mooto.”

Mataayo 26:41

Mutëngë na ghusabha, motaacha ghusöha mo‑masaki. Akörö nekwënda ghoghumereri amasaki, amare omobhere toonyi na changuru.”

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

1 Abhatesaronike 5:4

Mbe, inyu bhahiiri bhiito, orosiko ruyo rotaakobhataakani kinya omwibhi, gho kubha motaanyi mo‑kengʼuuri kinya abhande.

Obhohunyurëru 3:11

Nekuucha ibheerebheere! Moghaghöötërërë bhoheene amachömu ghayo moonyi nagho, kubha omooto ataacha kobhahöka atuho yaanyu.

Obhohunyurëru 22:7

Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”