Obhohunyurëru 16:14 - Eriiraghano Eriihë

¹⁴ Emisambu ghiyo ngeere no obhotoro bho ghuköra ebhyërëkërëri, ne emeremo gheebho n‑ghuye kobhakoma abhatëmi bhoose bha mo‑se bhakörë eriihë mo‑rosiko orokoro ro Ryobha re Bhotoro Bhoose.

Obhohunyurëru 16:14 Referans Kwoze

Obhohunyurëru 17:14

Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”

1 Timotewo 4:1

Ibheere, Akörö Ahörëëru neghosiikëra kyono kubha, mo‑rosiko ro ntenero, abhande mbaghotigha obhokumi bho hëënë, na ghutambana chaakörö che bhuröngö, na ameeghi gha misambu.

Obhohunyurëru 20:8

Mbe, hano reghotighooroku, ndekuucha rengʼiine amatöngö gha chambaara choose che se, nigho Ghoghu na Maghoghu. Erishambu ndekobhakoma bhakörë eriihë, nabho mbaakubha erikinda ikoro kinya omwishekeenya o mo‑nyancha.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

Yakobho 3:15

Amangʼiini ghanga ghayo, ghataakoru kwo Waryobha, amare n‑amangʼiini amabhe ghano ghakorwera mo‑se, na mo‑chaasughara che bhaato na mo‑Rishambu.

Obhohunyurëru 16:16

Mbe, emisambu ghiyo gheghakoma abhatëmi bhoose na abhakëëya bhaabho ahaghiro hano hakobherekeru Harimaghetooni gho Kebhuraaniya.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

2 Abhatesaronike 2:9

Eriibhagha re kuucha kooche, Omwigharurani uyo, nakuucha na changuru choose che Rishambu na ghuköra ebhyërëkërëri ne ebhiraghe bhe bhuröngö.

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Abharuumi 1:8

Nisëëmë gho kobhugha kubha, nekoriitabheri Eryobha kohetera kwo Yesu Kirisito, gho ghiri yaanyu bhoose, gho kubha amangʼana ighoro e bhokumi bhoonyu ngamënyuru mo‑se yoose.

Obhohunyurëru 16:7

Niho nekooghu eriiraka koru ahaghiro ha koruuseri amaruusi rerabhugha, “Oo, Omutëmi Waryobha o Bhotoro Bhoose, oghotena ekiina keecho n‑kwo mahëënë na kwo bhuhëënë.”

Obhohunyurëru 13:3

Omutu umu o ghotyenyi ghuyo noore ne erighaati ibhe chwee rino rengaghëriri reku. Amare erighaati riyo ndeere rihöriri! Abhaato bhoose mo‑se bhakaroghoora chwee ighoro oghotyenyi ghuyo, na ghoghutambana.

Obhohunyurëru 6:17

Ibheere, orosiko ruure orokoro ro bhororo bhuhaari, koru kwo Waryobha no Omoona o Ngʼöndu rokahika! Kwo bhuhëënë taanyi‑ho wowoose uno aghotora koroghumereri.”

Ruuka 2:1

Mo‑chaasiko chiyo Yohana ꞉ibhwiru, Kayisaari Aghosito akabhugha kubha, abhaato bhoose bha chaase cheeche, bhaghëndë kwiyandëka.

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.