Obhohunyurëru 15:1 - Eriiraghano Eriihë

¹ Mbe, nekarighi ekyërëkërëri ekende Mwishaaro. Nkeere ghekoro na ghe koroghoori. ꞉Neerooche bhamarayika mohungate bhararëëta chanaabhi mohungate che kumareereri. Chanaabhi ghiyo ncheere che kumareereri obhororo bho Ryobha.

Obhohunyurëru 15:1 Referans Kwoze

Obhohunyurëru 21:9

Akamara marayika umu o bhaare mohungate bhano ꞉bhaare ne ebhetibha mohungate bhe chanaabhi mohungate che kumareereri akaacha akamboorera akabhugha, “Nuuche hano, nekwërëki omokwiru, uno akubha omukari o Omoona o Ngʼöndu.”

Obhohunyurëru 19:15

Ekinyamiino ekyeghi nkehaaru mo‑monu waache kubha, ahiche abhaato bha matöngö. Naghoghakangata no obhotoro bhokoro. Iwe niwe ahaatacha chasabhiibhu mo‑gheghiro ghe ghochemitera, kino ghekwërëki obhororo bho Ryobha re Bhotoro Bhoose.

Obhohunyurëru 16:1

Nekamara, nekooghu eriiraka ikoro koru Mwisëngërö riyo, rerabhabhoorera bhamarayika bhaare mohungate rerabhugha, “Mughëndë mohome mo‑se obhororo bho Ryobha bhuno bhoonyi mo‑bhetibha bhiire mohungate.”

Obhohunyurëru 14:19

Niho marayika uyo akarëkëra eriighësö reeche, aghaghësa chasabhiibhu che se, aghachetoora mo‑gheghiro ghekoro ghe ghochemitera. Egheghiro kiyo ngekwërëki obhororo bho Ryobha.

Obhohunyurëru 14:10

omooto uyo woose naakunyo adivaayi e bhororo bho Ryobha. Adivaayi iyo n‑indoro kinya amaro ghano ghatasangeriini na amanche. Eryobha eryene ndekomwitoorerera omooto uyo mo‑ghisënchö ke bhororo bhooche, anyo. Eryobha ryose ndekomunyaaki mo‑mororo muhaari chwee ambërë e bhamarayika abhatööbhiyu na ambërë e Moona o Ngʼöndu.

Obhohunyurëru 11:14

Mbe, anaabhi e kabhere ˆekaheta, amare mumënyë kubha anaabhi e ghatato ˆeghatingʼi kuucha.

Obhohunyurëru 10:3

Akabherekera kwo riiraka ikoro kinya re ka ino eghwitima. Hano marayika abherekiire, ekerumo ghekamugharokeri gho koruma mara mohungate.

Obhohunyurëru 8:6

Bhakamara bhamarayika bhayo mohungate bhano ꞉bhaare na chantaara mohungate, bhaghisëëmi ghutëma chantaara cheebho.

Obhohunyurëru 8:13

Nekamara nekarighi amatoonyi inkoro eriibhururuka ghateghate e riighoro. Neere eraköra eriireghe erabhugha, “Horeera mokorighi! Horeera mokorighi! Horeera mokorighi inyu bhano moghwikara mo‑se, hano cheghutëmu chantaara chiire ishato chino chisaaghiri. Bhamarayika bhayo ibheere mbamariri ghwisëëmi ghochitëma!”

Obhohunyurëru 8:2

Nekamara nekarighi bhamarayika bhaare mohungate bhahiimeerera ambërë e Ryobha, na kira umu akahaabhu antaara.

Obhohunyurëru 9:20

Abhaato bhano bhataakuure gho chanaabhi chino ꞉cheebhabhwine abhaghëndi bhaabho, bhataatuukuuniire amabhe ghaabho. ꞉Mbëëndëriire ghusëngëra emisambu na chasanaamu chino ꞉bhaaköriri abheene gho sahaabhu, na chambiiri, na ashabha, na amabhohe, ne emete. Chasanaamu chiyo chetaare cherarighi, koru kooghu, koru ghughënda.

Obhohunyurëru 17:1

Akamara, umu o bhamarayika mohungate bhano ꞉bhaare ne ebhetibha bhiire bhe bhororo bho Ryobha akaacha ghokoone, akamboorera akabhugha, “Nuuche, neghokwërëki anchagho e musöngörëëri omokoro, uno ikeere ighoro e manche maaru.