Biblia Todo Logo
Bib sou entènèt

- Piblisite -




Obhohunyurëru 14:15 - Eriiraghano Eriihë

15 Akamara marayika owonde akaru Mwisëngërö re Ryobha, aghatiiri eriiraka akamobhoorera wuure are ikeere ighoro e rishaaro akabhugha, “Toora eriighësö reecho ughësë, gho kubha omunöghö o se yaacho numariri kohikeerana na bheghaköngʼa bhino bhekwëndëru bhighësu mo‑se.”

Gade chapit la Kopi




Obhohunyurëru 14:15
20 Referans Kwoze  

Chaahëkë chiire cheraköngʼa, na kooma, hayo niho omoremi ahiimoki eriighësö na ghusëëma ghughësa.”


Omobhisa uno ꞉emiri eghetoki natuubhiine ne Erishambu. Omughësö notuubhiine no orosiko ro ghoteneru ekiina ase, na abhaghësi mbatuubhiine na bhamarayika bha Ryobha.


Niho akarwera marayika owonde. Marayika uyo akaru ahaghiro ha koruuseri amaruusi, iwe naare ariimeererera omororo. Aghatiiri eriiraka, akamobhoorera marayika uno anyi ne eriighësö eryeghi akabhugha, “Toora eriighësö reecho eryeghi, onunge ebhisama bhe misabhiibhu ghe se, gho kubha amakorobhese nganöghiri.”


Mobhetighe bhyose bhekore haghirohamu mbagha eriibhagha re ghughësa. Eriibhagha riyo, nekobhabhoorera abhaghësi kubha bhashame bhakome eghetoki na ghoghetoora mo‑matuumu kubha ghyekibhu. Amare changano bhachekome na ghochetindeka mo‑ghitara keene.’”


Niho marayika o mohungate akahoma eghetibha keeche mwighoro. Nekooghu eriiraka ikoro koru mo‑ghetumbe ghe ghitëmi ke Mwisëngërö re Ryobha, rerabhugha, “Ghoose ˆghaghasira!”


Mbe, mohikeerani obhobhe bhuure bhasookoro bhaanyu bhabhusëëmiri!


Bhamarayika mohungate bhaare bhaanyi na chanaabhi mohungate bhaakaru muyo. Mbaare bhabheekiri changibho che ghitani cheero na che kurëngaari, bhibhöhiri chaaköbha ingare chino chiköruru na sahaabhu mo‑bhekubha bheebho.


Mbe, nekarëkëra amiisho wiiki, nekarighi erishaaro ryero. Ighoro e rishaaro riyo naare ikeere omooto kinya Omoona o Mooto. Omooto uyo naare abheekiri orohuuru ro ghitëmi ro sahaabhu a‑mutu. Mo‑kubhökö kooche naare aghöötëriire eriighësö ryeghi.


Niho chaakörö chiyo, cheghaköra eriireghe cherabhugha, “Oo Omutëmi, Omutööbhiyu no Omuhëënë, ngwake ˆoghakëëchëra! Nyingake oghotenera ekiina abhaato bha se na korehani asiire e ghotwita?”


gho kubha mbaghoturëki kobharaghaneri abhaato bha matöngö Angʼana Anchömu. Mbakwënda kubha abhaato bhatatooribhu. Hangʼu hangʼu mbakwëndërëra ghuköra amasari eriibhagha ryose. Amare ibheere obhororo bho Ryobha ˆbhokabhahikera!


Ghokahökëri obhotoro bhoose bho ghotyenyi ghuure o ghumbërë, gho ghiri yaache. Oghotyenyi ghuyo gho kabhere ghokahaamereri abhaato bhoose bha se bhaghusëngërë oghotyenyi ghuure o ghumbërë ghuno ghoore ne erighaati rino rengaghëriri reku, amare ndeere rihöriri.


Niho eghisëku ghe ghusöhëra Mwisëngërö re Ryobha iyo Mwishaaro gheghiighoru. Erisandëkö re Riiraghano re Ryobha rekarighibhu mo‑nyumba iyo. Nekarighi orunanehi rorabhari, na nekooghu eriiraka, na haakabha ne ekerighito ghe se. Ambura inkoro e rihoorere eghatëëka chwee.


Niho uno are ikeere ighoro e rishaaro akarëkëra eriighësö reeche mo‑se, aghaghësa omunöghö uyo o se ingima.


Akamara marayika owonde akaru Mwisëngërö re Ryobha iyo Mwishaaro. Woose naare aghöötëriire eriighësö eryeghi.


Swiv nou:

Piblisite


Piblisite