Obhohunyurëru 14:14 - Eriiraghano Eriihë

¹⁴ Mbe, nekarëkëra amiisho wiiki, nekarighi erishaaro ryero. Ighoro e rishaaro riyo naare ikeere omooto kinya Omoona o Mooto. Omooto uyo naare abheekiri orohuuru ro ghitëmi ro sahaabhu a‑mutu. Mo‑kubhökö kooche naare aghöötëriire eriighësö ryeghi.

Obhohunyurëru 14:14 Referans Kwoze

Obhohunyurëru 1:13

Ghateghate e bhemore bhiyo, nekarighi omooto kinya Omoona o Mooto. Abheekiri andachana indë no oruköbha rughare runo ruköruru gho asahaabhu mo‑ghekubha.

Abheebhuraaniya 2:9

Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.

Ruuka 21:27

“Hayo niho abhaato bhakondighi eni Omoona o Mooto, neraacha mwishaaro, neenyi na changuru no obhokumi obhokoro.

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Obhohunyurëru 6:2

Niho nekarighi abharaasi ayeero hayo. Mbe, uyo are ayetiiriri naare aghöötëriire obhuta, wiiki naare ahaabhuru orohuuru ro ghitëmi. Akaru Mwishaaro anyi omokindi o riihë, wiiki kubha ëndërërë ghokinda.

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.

Obhohunyurëru 20:11

Nekamara, nekarighi Eryobha riikeere mo‑ghetumbe kyero eghekoro ghe ghitëmi. Erishaaro na ase bhekangʼösa ambërë yaache na bhetaaroochiibhu wiiki.

Obhohunyurëru 19:12

Amiisho ghaache ngaare kinya orumëmi ro mororo, iwe naare abheekiri chahuuru chaaru che ghitëmi mo‑mutu waache. Naare andëkuru eriina rino retamënyuru no omooto owonde, nanyinga iwe omwene chiri.

Obhohunyurëru 11:17

“ˆOghachömi Omutëmi Waryobha o Bhotoro Bhoose. ꞉Noore‑ho korwera simoka, na koru ibheere niho onyi. Nuhökiiri obhotoro bhoocho bhokoro, ni ibheere noghukangata ase ingima.

Obhohunyurëru 10:1

Hano ghayo ghahetiri, nekarighi eriirighi erende. ꞉Neerooche marayika owonde uno anyi no obhotoro ariika koru Mwishaaro. Marayika uyo naare akundekiiru na amashaaro, ni ighoro e mutu waache ꞉haare ne eriite re bhaasi. Obhosho bhooche mboore bhorarëngaari kinya eryobha, na amaghoro ghaache ngaare kinya chambiro chino cheghwaka omororo.

Maariko 4:29

Chaahëkë chiire cheraköngʼa, na kooma, hayo niho omoremi ahiimoki eriighësö na ghusëëma ghughësa.”

Mataayo 13:30

Mobhetighe bhyose bhekore haghirohamu mbagha eriibhagha re ghughësa. Eriibhagha riyo, nekobhabhoorera abhaghësi kubha bhashame bhakome eghetoki na ghoghetoora mo‑matuumu kubha ghyekibhu. Amare changano bhachekome na ghochetindeka mo‑ghitara keene.’”