Obhohunyurëru 12:14 - Eriiraghano Eriihë

¹⁴ Amare Eryobha rekamuha omukari uyo amabhabha abhere ghanga gha matoonyi inkoro, kubha ituumuke ghuye iyo mwibhara ahaghiro hano Eryobha reere remusëëmiire, abhe kurë no oghuchöka ghuyo. Iyo Eryobha ndekomotugha gho chaasiko egheku kimu na amaghana ebhere na miröngö esaasabhe (1,260).

Obhohunyurëru 12:14 Referans Kwoze

Obhohunyurëru 12:6

Omukari uyo akangʼösëra mwibhara, ahaghiro hano Eryobha reere remusëëmiire kubha remotughe hayo gho chaasiko egheku kimu na amaghana ebhere na miröngö esaasabhe (1,260).

Obhohunyurëru 17:3

Mbe, Akörö Ahörëëru ekanyiikera. Marayika akandahuuna mbagha mwibhara. Hano nehikiri iyo, nekarighi omukari ikeere mo‑ghotyenyi ghuno ghoonyi na arange ambararatu. Oghotyenyi ghuyo ngoore ne emitu mohungate na chahëmbë ikomi. Ngoore ghwichwire amariina maaru gha ghotoka Eryobha.