Obhohunyurëru 12:1 - Eriiraghano Eriihë

¹ Hakamara, iyo mwighoro hakarwera ekyërëkërëri ghe koroghoori chwee. ꞉Haare no omukari uno abheekuru eryobha, no omwëri noore haase e maghoro ghaache. Wiiki, mo‑mutu waache naare abheekiri orohuuru ro ghitëmi roonyi na chanchöta ikomi ni ibhere.

Obhohunyurëru 12:1 Referans Kwoze

Ruuka 21:25

“Wiiki haakubha ne ekyërëkërëri koru mo‑ryobha, na mo‑mwëri, na mo‑chanchöta. Wiiki hano mo‑se, chanyancha neekubha cheraruma ne emekunda mihaari chwee. Ibheere kurëngʼaana na amangʼana ghayo, ngaghughëri abhaato bha chaase bhabhe na ahaho na kobhori omurëmbë.

Abhaebheeso 5:32

N‑ghuköngʼu chwee kumënya ekebhisere kino. Amare eni neghosiikërëra ighoro e Kirisito ne eriikanisa reeche.

Maariko 13:25

na chanchöta ncheekubha cheragho haase koru mwishaaro. Niho, ebheghiro bhyose bhe mwishaaro bheghosingisu.’

Ruuka 21:11

Ngeekubha‑ho emerighito mekoro ghe se, na chaase chaaru, ncheghusöhërëru na aghëëcha ihaari chwee. Wiiki ngaakubha‑ho amabhabharu maaru. Mwighoro, mbeekubha‑ho ebhyërëkërëri bhekoro na amangʼana gha ghotiini abhaato.

Obhohunyurëru 21:23

Omoghya uyo toonyi na amënda gha bhwero bho ryobha hamu omwëri, gho kubha obhokumi obhokoro bho Waryobha mbokowurëngareri, no Omoona o Ngʼöndu niwe oromore rooche.

Obhohunyurëru 15:1

Mbe, nekarighi ekyërëkërëri ekende Mwishaaro. Nkeere ghekoro na ghe koroghoori. ꞉Neerooche bhamarayika mohungate bhararëëta chanaabhi mohungate che kumareereri. Chanaabhi ghiyo ncheere che kumareereri obhororo bho Ryobha.

Obhohunyurëru 12:3

Hakamara, iyo mwighoro hakarwera ekyërëkërëri ekende ghe koroghoori. Mööhi! Ghokarwera‑ho oghuchöka oghokoro ghubhararatu. Ngoore ne emitu mohungate na chahëmbë ikomi, na kira omutu noore obheekiri orohuuru.

Obhohunyurëru 11:19

Niho eghisëku ghe ghusöhëra Mwisëngërö re Ryobha iyo Mwishaaro gheghiighoru. Erisandëkö re Riiraghano re Ryobha rekarighibhu mo‑nyumba iyo. Nekarighi orunanehi rorabhari, na nekooghu eriiraka, na haakabha ne ekerighito ghe se. Ambura inkoro e rihoorere eghatëëka chwee.

Amaköri gha Bhatomu 2:19

Neghuköra ebhiraghe ighoro mwishaaro, ne ebhyërëkërëri hano mo‑se. Abhaato mbakorighi ebhyërëkërëri bhe masaahë, no omororo, no omooki o ryoki mokoro.

Mataayo 24:30

“Niho ghekorighibhu ekyërëkërëri ke Moona o Mooto mwishaaro na abhaato bha matöngö ghoose mbaghusëëma korera kwo haho. Hano nekuucha, abhaato bhoose mbakondighi mo‑mashaaro neenyi na changuru no obhokumi obhokoro.

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.

Mataayo 12:38

Mbe, Amabharisaayo abhamu na abheeghi bha meghiro bhakamobhoorera Yesu bhakabhugha, “Oo Omweghi, ntokwënda ukörë ekeroghooro kwërëki kubha noruure kwo Waryobha.”

Obhohunyurëru 21:14

Eribhendo riyo re moghya ndeere ryabhëkuru ighoro e mabhohe ikomi na abhere gha bhoroso. Na kira riibhohe ndeere ryandëkuru eriina re umu ghate e bhatomu bhaare ikomi na bhabhere bha Moona o Ngʼöndu.

Obhohunyurëru 1:20

꞉Noorooche chanchöta mohungate mo‑kubhökö koone gho kwiro, ne ebheghiro bhe sahaabhu bhe ghotoorera‑mu ebhemore. Nekweghi ebheteemoro bhe bhebhisere bhino. Ebheghiro mohungate bhe sahaabhu bhe ghotoorera‑mu ebhemore, n‑amakanisa ghaare mohungate, na chanchöta mohungate m‑bhamarayika bhaabho.”

Abhagharatiya 3:27

Inyu bhoose bhano mubhatiisuru, mughöötiine na Kirisito, mubheere kinya momobheekiri Kirisito.

2 Abhakorinto 11:2

Eni nekobharigheri eriihari. Eriihari riyo ndeekoru kwo Waryobha, gho kubha moonyi kinya omuukë uno ataamara amisi no omosubhe, uno nemwishereriiri ghokwiru no omosubhe umu hangʼu, omosubhe uyo n‑Kirisito.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,

Yohana 3:29

Omokwiru nahëëndëru ghuye kwo mokwiri. Eni neenyi kinya bhuure omusaani o uno aghokwira, niimeeriire rubhareka rooche na neghuchömëru eriibhagha nekooghu eriiraka reeche. Mahëënë neghuchömëru ne emeremo ghino chwee.

Abharuumi 13:14

Amare ibheere, mo‑riimanya reenyu ryose, mubhe morakangatu no Omutëmi Yesu Kirisito. Motiishereri koru hasuuhu ghukangatu na simoka yaanyu e masari moratambana amiigha ghaanyu amabhe.

Abhagharatiya 4:26

Amare Saara nakwimeerera Yerusareemu e Mwishaaro, uno onyi omoghya huuru, nawe niwe yiima wiito.