Obhohunyurëru 11:9 - Eriiraghano Eriihë

⁹ Abhahiiri bhoose, na abhaato bha matöngö ghoose, na bha bhighambo bhyose, na bha chaase choose, mbaghoghamööhërëri amahundughu gha bhiibhateri bhayo bhabhere gho chaasiko ishato ne eriiteneka. Taanyi‑ho omooto uno aghwisherereru kobharyeka.

Obhohunyurëru 11:9 Referans Kwoze

Obhohunyurëru 17:15

Marayika akëëndërëra komboorera arabhugha, “Amanche ghano omusöngörëëri wuure ikeere ighoro yaache ngiimeereriire amakinda gha bhahiiri bhoose, na ase yoose ne ebhighambo bhyose.

Obhohunyurëru 11:11

Hano chaasiko chiyo ishato ne eriiteneka chehetiri, Eryobha rekabhahuuteri omwika o bhuhöru, bhaakabha abhahöru, bhakiimeerera. Bhoose bhano ꞉bhaabharooche, bhaghatiina chwee.

Obhohunyurëru 10:11

Nekabhooreru kubha, “Nokwëndëru koruusi obhurööti wiiki ighoro e bhaato bhaaru, na chaase chaaru, ne ebhighambo bhyaru na abhatëmi bhaaru.”

Obhohunyurëru 13:7

Ghoghiisherereru kurööna na abhatööbhiyu na kobhahicha. Ghokahaabhu obhotoro bho ghukangata abhaato bha matöngö ghoose, na bha abhahiiri bhoose na bha bhighambo bhyose na chaase choose.

Obhohunyurëru 5:8

Hano akiimokiri eghitabhu kiyo, ebhetyenyi bhiire na abhagharuka bhaare bhaaghagho kebhuuma ambërë yaache. Omooto woose naare ne eritingo na ebhetibha bhe sahaabhu bhiichwire ebheneeso. Ebheneeso bhiyo nigho amasabhi gha bhatööbhiyu.

Mataayo 7:2

gho kubha iryo ndekobhatenera ekiina kurëngʼaana na kebhuno moghotenera ekiina abhande. Wiiki ekirëngërë kino mokurëngëra abhande, nikyo kiyo kiyo na niinyu Eryobha rekobharëngëra.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.