Obhohunyurëru 10:4 - Eriiraghano Eriihë

⁴ Hano ebherumo mohungate bhiyo bhigharokiiri, nëkëënda kwandëka ghano ꞉ghaasiikiiru ne ebherumo, amare nekooghu eriiraka koru Mwishaaro reramboorera rerabhugha, “Amangʼana ghayo gha bherumo, otaghaandëka! N‑ekebhisere!”

Obhohunyurëru 10:4 Referans Kwoze

Obhohunyurëru 22:10

Akamara marayika uyo akamboorera akabhugha, “Otaghabhisa amangʼana ghano gha bhurööti bho ghitabhu kino, gho kubha ghoose ghano ghaghamburu muyo ngaghuköru ghano matiko.

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

Obhohunyurëru 1:19

“Ibheere andëka amangʼana ghano orooche, ghano ghaghuköru ibheere, na ghano ghakuucha ghuköru eriibhagha rino re kuucha.

Obhohunyurëru 10:8

Niho eriiraka riire koru Mwishaaro rekamberekera wiiki, rekabhugha, “Nooghi kwo marayika uno imeeriiri oghoghoro gho kwiro mo‑nyancha no okonde mo‑se ayoomu. Wimoki koru mo‑kubhökö kooche eghitabhu kiire eghesuuhu kino kehunywiru.”