Obhohunyurëru 1:16 - Eriiraghano Eriihë

¹⁶ Naare na chanchöta mohungate mo‑kubhökö gho kwiro. Ekinyamiino ekyeghi, nkeere keraru mo‑monu waache. Obhosho bhooche mboore bhorarëngaari kinya omu omororo.

Obhohunyurëru 1:16 Referans Kwoze

Abheebhuraaniya 4:12

Angʼana e Ryobha n‑ihöru wiiki neenyi na changuru ghokera ekinyamiino ekyeghi. Angʼana iyo, nehaangʼuuta omooto ehikera mo‑maghuha, nehaataani ebhyemo na amaghuta ghano ghaanyi‑mu. Wiiki nehaangohi kumënya amiihëëbhö gha mo‑motema o mooto, na kino akwënda.

Obhohunyurëru 2:16

Mbe, motuukuune! Moraanga ghotuukuuna, nekuucha kwo bhwango kubha niröönë na abhaato bhayo gho kinyamiino kino gheekoru mo‑monu waane.

Obhohunyurëru 19:15

Ekinyamiino ekyeghi nkehaaru mo‑monu waache kubha, ahiche abhaato bha matöngö. Naghoghakangata no obhotoro bhokoro. Iwe niwe ahaatacha chasabhiibhu mo‑gheghiro ghe ghochemitera, kino ghekwërëki obhororo bho Ryobha re Bhotoro Bhoose.

Obhohunyurëru 2:12

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bherighamo, no omobhoorere obhughe, ‘Neenyi ne ekinyamiino kyeghi. Mutëghëërërë ghano nekobhabhoorera!

Abhaebheeso 6:17

Obhotoori, bhubhe kinya eriihima re kyoma mo‑mitu gheenyu, na angʼana e Ryobha, ibhe kinya ekinyamiino kino mokuhaabhu na Akörö Ahörëëru.

Obhohunyurëru 19:21

Omooto uyo are ikeere ighoro e bharaasi ayeero, akahökëri ekinyamiino kino ꞉keeruure mo‑monu waache ghwita bhano bhasaaghiri. Ne ebhinyönyi bhiyo bhyose bheekare chaanyama cheebho, bheghiighöta chwee.

Mataayo 17:2

Hano ꞉bhaare iyo, Yesu aghiigharura eghisösö keeche ambërë yaabho. Obhosho bhooche bhoghiigharura bhoghaköra emirëngaari kinya eryobha na changibho cheeche chekeera chayi, kinya obhwero.

Obhohunyurëru 1:20

꞉Noorooche chanchöta mohungate mo‑kubhökö koone gho kwiro, ne ebheghiro bhe sahaabhu bhe ghotoorera‑mu ebhemore. Nekweghi ebheteemoro bhe bhebhisere bhino. Ebheghiro mohungate bhe sahaabhu bhe ghotoorera‑mu ebhemore, n‑amakanisa ghaare mohungate, na chanchöta mohungate m‑bhamarayika bhaabho.”

Obhohunyurëru 3:1

Niho omooto uyo kinya Omoona o Mooto akëëndërëra komboorera arabhugha, “Omwandëkërë marayika o riikanisa re Sariti, no omobhoorere obhughe, ‘Eni neghukangata Chaakörö mohungate che Eryobha na neenyi na chanchöta chiire mohungate. Mutëghëërërë ghano nekobhabhoorera! Nyeeche amaköri ghaanyu. Mokorighibhu kubha m‑bhahöru moonyi, amare mokuure.

Amaköri gha Bhatomu 26:13

Oo omutëmi, hano neere mo‑nchëra eriibhagha re chaasa ishaasabhe che mwishe, hayo hayo nekarighi obhwero bhuhaari koru Mwishaaro. Obhwero bhuyo mboore bhorakera emirëngaari ghe ryobha, bhoghaturëngaari chambaara choose, eni haghirohamu na bhano ꞉tuuköriri nabho orughëndö.

Obhohunyurëru 12:1

Hakamara, iyo mwighoro hakarwera ekyërëkërëri ghe koroghoori chwee. ꞉Haare no omukari uno abheekuru eryobha, no omwëri noore haase e maghoro ghaache. Wiiki, mo‑mutu waache naare abheekiri orohuuru ro ghitëmi roonyi na chanchöta ikomi ni ibhere.

Obhohunyurëru 10:1

Hano ghayo ghahetiri, nekarighi eriirighi erende. ꞉Neerooche marayika owonde uno anyi no obhotoro ariika koru Mwishaaro. Marayika uyo naare akundekiiru na amashaaro, ni ighoro e mutu waache ꞉haare ne eriite re bhaasi. Obhosho bhooche mboore bhorarëngaari kinya eryobha, na amaghoro ghaache ngaare kinya chambiro chino cheghwaka omororo.

Obhohunyurëru 2:1

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Ebheeso, no omobhoorere obhughe, ‘Eni neenyi na chanchöta chiire mohungate mo‑kubhökö koone gho kwiro, eni nehaaghënda ghateghate e ebheghiro bhiire mohungate bhe sahaabhu bhe ghotoorera‑mu ebhemore. Mutëghëërërë ghano nekobhabhoorera!