Obhohunyurëru 1:11 - Eriiraghano Eriihë

¹¹ Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

Obhohunyurëru 1:11 Referans Kwoze

Obhohunyurëru 3:1

Niho omooto uyo kinya Omoona o Mooto akëëndërëra komboorera arabhugha, “Omwandëkërë marayika o riikanisa re Sariti, no omobhoorere obhughe, ‘Eni neghukangata Chaakörö mohungate che Eryobha na neenyi na chanchöta chiire mohungate. Mutëghëërërë ghano nekobhabhoorera! Nyeeche amaköri ghaanyu. Mokorighibhu kubha m‑bhahöru moonyi, amare mokuure.

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,

Obhohunyurëru 3:14

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Rawotikiya, no omobhoorere obhughe, ‘Eni neeni nekobherekeru Hawubhaabha, gho kubha nekuhëënëhi obhuhëënë bho Ryobha kwo mahëënë. Eni neeni omutange o bhetyenyi bhyose bhino ꞉bhiitëëmuru ne Eryobha. Mutëghëërërë ghano nekobhabhoorera!

Obhohunyurëru 3:7

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bhirateribhiya, no omobhoorere obhughe, ‘Eni neeni Omutööbhiyu uno neenyi o muhëënë. Wiiki eni neenyi no orohunguro ro bhukangati ro mutëmi Tawuti. Neriighara orwighe, taanyi‑ho owonde uno aghotora ghwighora. Neriighora, taanyi‑ho owonde uno aghotora ghwighara.

Obhohunyurëru 2:18

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Tiyatira, no omobhoorere obhughe, ‘Eni neeni Omoona o Ryobha. Neenyi na amiisho kinya orumëmi ro omororo na amaghoro gha kurëngaari kinya ashabha ino ꞉yeeghuru mo‑mororo. Mutëghëërërë ghano nekobhabhoorera!

Obhohunyurëru 2:12

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bherighamo, no omobhoorere obhughe, ‘Neenyi ne ekinyamiino kyeghi. Mutëghëërërë ghano nekobhabhoorera!

Obhohunyurëru 2:8

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Simurina, no omobhoorere obhughe, ‘Eni neeni o Mumbërë na Antenero. Neere nekuure, nekaryoka ni ibheere m‑muhöru neenyi! Mutëghëërërë ghano nekobhabhoorera!

Abhaebheeso 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. ˆNekabhaandëkëra inyu abhatööbhiyu bha Ryobha bhano mumanyiri Ebheeso, bhano momokumiri Kirisito Yesu.

Obhohunyurëru 21:5

Akamara wuure are ikeere mo‑ghetumbe ghe ghitëmi akamboorera akabhugha, “Ibheere egheghiro kyose ˆneghaghiköra kibhe kihë!” Wiiki akamboorera akabhugha, “Andëka ghayo, gho kubha amangʼana ghayo n‑gha bhuhëënë na gha mahëënë.”

Obhohunyurëru 19:9

Marayika uyo akamboorera akabhugha, “Andëka, ngʼoni bhano bharaghiinu mo‑nyangi e riirugha e Omoona o Ngʼöndu.” Wiiki akamboorera akabhugha, “Ghano nighambiri n‑amangʼana gha mahëënë gha Ryobha.”

Obhohunyurëru 14:13

Nekooghu eriiraka koru Mwishaaro, rerabhugha, “Andëka hangʼu, korwera ibheere, ngʼoni abhaato bhoose bhano bhakuure ino bharamokumi Omutëmi Yesu.” Ekamara Akörö e Ryobha ekabhugha, “Hee, m‑mahëënë! Bhatore koweera kurëngʼaana ne emeremo gheebho emiköngʼu, gho kubha mbakubhöna atuho kwo maköri ghaabho amachömu.”

Obhohunyurëru 10:4

Hano ebherumo mohungate bhiyo bhigharokiiri, nëkëënda kwandëka ghano ꞉ghaasiikiiru ne ebherumo, amare nekooghu eriiraka koru Mwishaaro reramboorera rerabhugha, “Amangʼana ghayo gha bherumo, otaghaandëka! N‑ekebhisere!”

Obhohunyurëru 1:19

“Ibheere andëka amangʼana ghano orooche, ghano ghaghuköru ibheere, na ghano ghakuucha ghuköru eriibhagha rino re kuucha.

Obhohunyurëru 1:8

Omutëmi Waryobha nakobhugha kubha, “Eni neeni Simoka na Antenero, uno anyi‑ho, na korwera simoka naare‑ho na naakubha‑ho. Eni n‑Eryobha re Bhotoro Bhoose.”

1 Timotewo 1:3

Eriibhagha rino ꞉niitanwire ghuye mo‑mukööwa o Maketoniya, ꞉neeghusabhiri wiikare mo‑moghya o Ebheeso, obhashaangʼi abhaato bhano bhakweghi iyo, kubha bhatëëndërëra kweghi ameeghi gha bhuröngö.

Obhohunyurëru 1:17

Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero.

Obhohunyurëru 1:2

Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

1 Abhakorinto 16:8

Amare ibheere neghusaagha hano mo‑moghya o Ebheeso, mbagha orosiko ro nyangi e Bhentekositi rohike.

1 Abhakorinto 15:32

Aribha eriitëngʼërö reene ndengabheere re se ino hangʼu, kurööna koone na abhabhisa bhaane bhano bhanga kinya chatyenyi chahaari mo‑moghya o Ebheeso nkongansakiiri ke? Aribha abhaku bhataakoryokibhu, mbe, “Tubhe toraraaghëra na kunyo, gho kubha tabhoori ntooghoku.”

Amaköri gha Bhatomu 20:17

Hano Bhawuro are hayo Mireeto, aghatomani amangʼana kwo abhagharuka bha riikanisa re Ebheeso kubha bhaache.

Amaköri gha Bhatomu 18:24

Kwo riibhagha riyo mo‑moghya uyo o Ebheeso, akahika‑ho Omuyahuuti umu, eriina reeche Abhooro, omwibhoru o mo‑moghya o Arekisantiriya. Abhooro uyo naare musubhesubhe chwee gho ghosiikëra, naare eche chwee ghaare ghaanyi mo‑Mandëkö Amatööbhiyu.

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Abhakorosaayi 2:1

Mbe, nekwënda mumënyë kinya nekwinyaaki ighoro yaanyu na gho ghiri e bhakumi bhaare bhaanyi Rawotikiya, na kwo bhande bhoose bhano bhakeere kondighi eni.

Obhohunyurëru 1:20

꞉Noorooche chanchöta mohungate mo‑kubhökö koone gho kwiro, ne ebheghiro bhe sahaabhu bhe ghotoorera‑mu ebhemore. Nekweghi ebheteemoro bhe bhebhisere bhino. Ebheghiro mohungate bhe sahaabhu bhe ghotoorera‑mu ebhemore, n‑amakanisa ghaare mohungate, na chanchöta mohungate m‑bhamarayika bhaabho.”

Obhohunyurëru 2:1

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Ebheeso, no omobhoorere obhughe, ‘Eni neenyi na chanchöta chiire mohungate mo‑kubhökö koone gho kwiro, eni nehaaghënda ghateghate e ebheghiro bhiire mohungate bhe sahaabhu bhe ghotoorera‑mu ebhemore. Mutëghëërërë ghano nekobhabhoorera!

Obhohunyurëru 2:24

Ibheere ghate yaanyu iyo Tiyatira, mbaanyi‑ho abhande bhano bhaanyi abhahëënë. Abhaato bhano bhataaghutambana ameeghi gha Yesebheeri uyo koru bhateeche ghayo abhande bhakobhugha kubha n‑ekebhisere ke Rishambu! Kwo bhaato abhahëënë bhano, nekobhugha kubha, ntëëköbhëëngërëërëri wiiki omorigho owonde.

Obhohunyurëru 3:4

Amare mbaanyi‑ho abhaghëndi bharëngʼaaneru iyo Sariti bhano bhataghonchiri amaghööti ghaabho gho ghuköra amasari. Bhayo mbaghughëndani haghirohamu na neeni ino bhabheekiri changibho echeero gho kubha mbarëngʼaaniire.

Obhohunyurëru 22:10

Akamara marayika uyo akamboorera akabhugha, “Otaghabhisa amangʼana ghano gha bhurööti bho ghitabhu kino, gho kubha ghoose ghano ghaghamburu muyo ngaghuköru ghano matiko.

Obhohunyurëru 22:16

“Eni Yesu, n‑o riitina re mutëmi Tawuti no orwibhoro rooche, wiiki nekurëngaari kinya anchöta e tabhoori. Eni neeni netomiri marayika waane ache abhabhoorere inyu abhaghëndi bhaane amangʼana ghano, gho ghiri e makanisa.”