Mataayo 9:4 - Eriiraghano Eriihë

⁴ Amare Yesu naare eche ghoose ghano ꞉bhaare bhariihëëbha, akabhabhoori akabhugha, “Ngwake kana moghwituuri amabhe mo‑metema gheenyu?

Mataayo 9:4 Referans Kwoze

Ruuka 6:8

Ibheere, Yesu akamënya amiihëëbhö ghaabho amabhe. Niho, akamobhoorera omooto uno anyi no okubhökö kuno ghokuure akabhugha, “Nuuche, wimeerere hano ghateghate.” Omooto uyo akaacha, akiimeerera ghateghate yaabho.

Mataayo 12:25

Yesu ꞉naamënyiri ghano ꞉bhaare bhariihëëbha, akabhabhoorera akabhugha, “Aribha abhaato bha bhutëmi bhumu bharataana, obhutëmi bhuyo mboghughö. Wiiki, aribha abhaato bha moghya umu hamu anyumba imu bharaanga koghwana, mbaghusancha.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Yohana 16:30

Ibheere tokamënya kubha nogheeche ghoose, wiiki tookwënda omooto akobhoori ghyokyose. Gho ghayo, toghakumi kubha noruure kwo Waryobha.”

Ruuka 11:17

Amare, gho kubha Yesu ꞉naamënyiri amiihëëbhö ghaabho, akabhabhoorera akabhugha, “Aribha abhaato bha bhutëmi bhumu bharataana, obhutëmi bhuyo mboghughö. Wiiki, aribha abhaato bha nyumba imu bharaanga koghwana, mbaghusancha.

Amaköri gha Bhatomu 5:9

Bheetero akamobhoorera akabhugha, “Kana iye no omosubhe waacho mwishereriini koyisaki Akörö Ahörëëru e Mutëmi? Mööhi! Abhabhureni bhano ꞉bhaare bhaghiire komoryeka mosubhe waacho mbamariri ghugharuka, hano bhaanyi mo‑ghisëku, mbaghokohira iye woose ibheerebheere!”

Yohana 16:19

Yesu akamënya kubha ꞉mbëëndiri komobhoori ghano abhughiri, akabhabhoori akabhugha, “Kana, mokobhoorani ghano nebhughiri kubha, ‘Rekeere eriibhagha isuuhu hangʼu na niinyu motaakondighi, wiiki rekeere eriibhagha isuuhu hangʼu na niinyu mokondighi?’

Yohana 6:64

Amare mbaanyi‑ho abhande ghateghate yaanyu bhano bhakwanga ghonkumi.” Yesu ꞉naabhughiri hangʼu gho kubha ꞉naamënyiri koru simoka kubha m‑bhawe bhano bhakwanga komokumi, na kubha n‑niwe uno akuucha komwigharurani.

Yohana 6:61

Eriibhagha Yesu amënyiri kubha mbakongʼunya gho ghano abhughiri, akabhabhoori akabhugha, “Kana, angʼana ino ˆekabhakarari?

Yohana 21:17

Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.

Ruuka 5:22

Yesu aghaghamënya ghano ꞉bhaare bhariihëëbha, akabhabhoori akabhugha, “Neke mokwihëëbha mo‑metema gheenyu?

Maariko 12:15

Amare Yesu ꞉naamënyiri amiihëëbhö ghaabho amabhe, akabhagharokeri akabhugha, “Kana moghunsaki gho ghuntëgha? Mundëëtërë orobhiiri ro tinaari nerorighi.”

Maariko 2:8

Hayo hayo Yesu akamënya amiihëëbhö gha mo‑metema gheebho, akabhabhoorera kubha, “Ngwake mokwihëëbha hangʼu mo‑metema gheenyu?

Ruuka 7:40

Yesu akamobhoorera akabhugha, “Oo Simiyooni, neenyi na angʼana e ghokobhoorera.” Akamugharokeri akabhugha, “Oo Omweghi waane, nomboorere.”