Mataayo 9:15 - Eriiraghano Eriihë

¹⁵ Yesu akabhagharokeri akabhugha, “Abhaato bhano bharaghiinu mwikwirëra, mbaghotora bhu kubha na amacheeche eriibhagha bhaanyi haghirohamu na uno aghokwira? Amare eriibhagha ndekohika rino omokwiri akoruusibhu ghate yaabho. Mbe, kwo riibhagha riyo, mbakwiyima ebhiinyakurë.

Mataayo 9:15 Referans Kwoze

Obhohunyurëru 19:9

Marayika uyo akamboorera akabhugha, “Andëka, ngʼoni bhano bharaghiinu mo‑nyangi e riirugha e Omoona o Ngʼöndu.” Wiiki akamboorera akabhugha, “Ghano nighambiri n‑amangʼana gha mahëënë gha Ryobha.”

Yohana 3:29

Omokwiru nahëëndëru ghuye kwo mokwiri. Eni neenyi kinya bhuure omusaani o uno aghokwira, niimeeriire rubhareka rooche na neghuchömëru eriibhagha nekooghu eriiraka reeche. Mahëënë neghuchömëru ne emeremo ghino chwee.

Obhohunyurëru 21:2

Nekamara nekarighi omoghya omutööbhiyu, niwe Yerusareemu ahë, oriika koru Mwishaaro kwo Waryobha. Omoghya uyo noore uchöchuru kinya bhuure omokwiru ahaachöchu kwo mosubhe waache.

Amaköri gha Bhatomu 14:23

Bhawuro na Bharinaabha bhakaahura abhagharuka bha mo‑makanisa ghoose. Bhakamara bhakabhatoora mo‑mabhökö gha Mutëmi uno ꞉bhaare bharamokumi gho kobhasabhera na kwiyima ebhiinyakurë.

1 Abhakorinto 7:5

Motiimana, nanyinga aribha mwishereriini ghuköra hangʼu kwo riibhagha ighuhe, kubha mubhönë omweya muchömu o ghusabha kwo Waryobha. Moramara, mugharukerane wiiki, kubha Erishambu retaacha kobhasaki mukörë obhutaari gho kubha motaaghotora ghoghumereri.

Yohana 16:6

Amare gho kubha nebhabhooriire ghayo, ˆmookabha na amacheeche chwee mo‑metema gheenyu.

2 Abhakorinto 11:27

Niköriri emeremo emiköngʼu na kunyaaka, na mara kaaru nebhoriri chandöörö, na nitëmuru na anchëra na anyööta, mara kaaru ntebhwine ekiinyakurë, na niikeere mo‑nyighita netaanyi na changibho che mbeho.

Mataayo 9:14

Niho abhaanabheegha bha Yohana bhaaghaye o‑Yesu, bhakamobhoori bhakabhugha, “Itu na Amabharisaayo ntohiiyima ebhiinyakurë, neke gheghughëri abhaanabheegha bhaacho ibho bhataakwiyima ebhiinyakurë?”

Mataayo 9:16

“Wiiki, ghusangerani ameeghi ghaane amahë na chaasughara cheenyu ngotuubhiine na kwimoki egheteneka ke ngibho ahë aghetumerani mo‑ngibho ankungu, gho kubha egheteneka ke ngibho ahë ngeghutandura angibho iyo, na ahaghiro hayo ꞉haare hatandokiri hakwëngëra ghutanduka.

Maariko 2:19

Yesu aghagharokeri akabhugha, “Abhaato bhano bharaghiinu mwikwirëra mbaghotora kwiyima ebhiinyakurë, ino bhaanyi haghirohamu no omokwiri? Eriibhagha ryose rino bhaanyi haghirohamu, bhataaghotora kwiyima ebhiinyakurë!

Maariko 2:20

Amare, ndekuucha eriibhagha rino omokwiri akoruusibhu ghate yaabho. Mbe, kwo riibhagha riyo, mbakwiyima ebhiinyakurë.

Ruuka 5:34

Yesu akabhagharokeri akabhugha, “Eriibhagha omokwiri akeere haghirohamu na abhaghëni bhaache mwikwirëra, nibhu moghuköra abhaghëni bhayo bhiiyime ebhiinyakurë na bheekunyo?

Ruuka 5:35

Amare, mo‑chaasiko chino chekuucha, omokwiri nakoruusibhu ghate yaabho. Mo‑chaasiko chiyo, niho bhaakubha bhariiyima ebhiinyakurë.”

Ruuka 17:22

Akamara, Yesu akabhabhoorera abhaanabheegha bhaache akabhugha, “Mo‑chaasiko chino chekuucha, moghwighomba korighi koru orosiko rumu ro chaasiko che Moona o Mooto, na motaakororighi.