Mataayo 8:26 - Eriiraghano Eriihë

²⁶ Iwe akabhugha, “Ngwake kana moghotiina, inyu abhaato bhano moonyi no obhokumi bhosuuhu?” Niho akiimeerera, akahiinya obhukama ne emekunda ghe manche, anyancha ekahörëëra.

Mataayo 8:26 Referans Kwoze

Mataayo 6:30

Mbe, aribha Eryobha ndehaabheeki amanyaaki ghi ibhara koru nangabha ghaanyi‑ho reero na tabhoori ngakurëkëru mo‑mororo, ibheere, nibhu reghuköra retighe kobhabheeki inyu ghokera ebhibhari bhe manyaaki ghayo? Neke abhaato bhano moonyi no obhokumi bhosuuhu?

Abharuumi 4:20

Wiiki, taare na ahaho yoyoose ighoro e riiraghano rino Eryobha ꞉reemuraghiire. Amare akëëndërëra ghuköngʼëri mo‑bhokumi na koreghongi,

Mataayo 16:8

Yesu ꞉naamënyiri ghoose ghano ꞉bhaare bharabhoorani akabhugha, “Inyu abhaato bha bhokumi bhosuuhu! Ngwake mokobhoorani inyu bheene kwo bheene kubha motiichiri ne emighaate?

Obhohunyurëru 10:2

Naare ne eghitabhu eghesuuhu mo‑kubhökö kino keere kehunywiru. Akiimeereri oghoghoro kooche gho kwiro mo‑nyancha na gho kumosi mo‑se ayoomu.

Mataayo 8:27

Abhaanabheegha bhaache bhakahagha, bhakabhugha, “Uno no omooto o ngabhu koru obhukama bhuhaari ne emekunda ghe nyancha ghekomosooka?”

Mataayo 17:20

Nawe akabhagharokeri akabhugha, “Gho ghiri e bhokumi bhoonyu kubha bhosuuhu. Mahëënë ˆnekabhabhoorera, aribha moonyi no obhokumi bhoongʼana kinya akahëkë ka harataari, moghokebhoorera egheghoro kino kubha, ‘Nooru hano, ughëndë haare,’ kyose ngeeghuye. Gho ghayo, ghetaanyi‑ho egheghiro kino kengabhataamiri. [

Ruuka 4:35

Yesu akawohiinya omusambu uyo akabhugha, “Okiri omonu waacho! Omoru omooto uno!” Hayo hayo, omusambu uyo okamoghwishi omooto uyo haase, ambërë e bhaato bhayo bhoose. Okamara okamoru otamunyahaariri hohoose.