Mataayo 7:22 - Eriiraghano Eriihë

²² Mo‑rosiko ro ghoteneru ekiina runo rokuucha, abhaato bhaaru mbakomboorera bharabhugha, ‘Oo Omutëmi, oo Omutëmi! Kana, teenyi kwo riina reecho ꞉ntooruusiri obhurööti, na kuhëëbha emisambu na ghuköra ebheroghooro bhyaru?’

Mataayo 7:22 Referans Kwoze

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Yohana 11:51

Kayabha taabhughiri ghayo gho kwënda kooche omwene. Amare gho kubha naare Omuchaama Omokoro mo‑mooka uyo, naare aruusiri obhurööti kubha Yesu naaghoku gho ghiri e ritöngö re Bhayahuuti.

1 Abhatesaronike 5:4

Mbe, inyu bhahiiri bhiito, orosiko ruyo rotaakobhataakani kinya omwibhi, gho kubha motaanyi mo‑kengʼuuri kinya abhande.

Ruuka 10:12

ˆNekabhabhoorera kubha, orosiko ro ghotenera ekiina abhaato bha se, ndekobhatenera ekiina abhaato bha moghya uyo kwo bhororo ghokera kebhuno rekobhatenera ekiina abhaato abhabhe bha Sotoma!

Mataayo 25:11

Hano rehetiri eriibhagha isuuhu, abhaghëëghë bhayo bhaghagharuka na kubhöna orwighe rwigheere. Niho bhakiimeerera anche na kobherekera bharabhugha, ‘Oo omutëmi! Oo omutëmi! Ntoghoghusabha otwighorere!’

Mataayo 24:36

“Amare, ighoro e rosiko ne eriibhagha re kuucha koone, taanyi‑ho omooto uno eche, koru bhamarayika bha Mwishaaro, amare n‑Taata waane omwene chiri.

Mataayo 7:21

“Taanyi omooto woose uno akomboorera, ‘Oo Omutëmi, oo Omutëmi,’ uno aghusöha mo‑bhutëmi bho Mwishaaro. Amare omooto uno aghuköra amiigha gha Taata waane uno anyi Mwishaaro, uyo, niwe aghusöha.

2 Timotewo 1:18

Na niiye weeche bhoheene, amangʼana maaru ghano anköriire mo‑moghya o Ebheeso. Omutëmi Yesu amusabhere Onesibhooro ebheghongi kwo Mutëmi Waryobha orosiko ro ghoteneru ekiina.

2 Abhatesaronike 1:10

Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

Mataayo 10:15

Mahëënë ˆnekabhabhoorera kubha orosiko ro ghoteneru ekiina, ndekobhatenera ekiina abhaato bha moghya uyo kwo bhororo ghokera abhaato bha se e Sotoma na Ghomora.