Mataayo 7:13 - Eriiraghano Eriihë

¹³ “Musöhë gho kohetera mo‑kehita egheghute, gho kubha ekehita eghighare ngekwërëkëra mo‑ghosireekerera, na anchëra e kwërëkëra iyo n‑ingare chwee. Wiiki, abhaato bhano bhakohetera‑mu, m‑bhaaru.

Mataayo 7:13 Referans Kwoze

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 10:9

Eni neeni eghisëku kiyo. Wowoose uno aghusöha mo‑mowaara kohetera ghokoone naghotooribhu, wiiki naghusöha na kohoroka, na ghuye a‑keriisho.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Mataayo 3:8

Mbe, mukörë amaköri ghano ghakwërëki kubha, motuukuuniri amasari ghaanyu.

2 Abhakorinto 6:17

Gho ghayo Omutëmi Waryobha ꞉naabhughiri wiiki kubha, “Moru ghateghate yaabho, mwiyaahukani nabho. Motaturi egheghiro egheghonchu, niho na neeni nekobhaghënëhi.

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Obhohunyurëru 20:15

No omooto wowoose uno eriina reeche retaandëkuru mo‑Ghitabhu ke Bhuhöru, woose narëkiiru mo‑nyancha e mororo.

Abhabhiribhi 3:19

Antenero e bhaato bhayo mbaghosireekerera, gho kubha amiigha ghaabho nigho eryobha reebho. Ibho mbakwihachera amaköri gha chaasoni ghano bhaghuköra. Wiiki mbakwihëëbhëra amangʼana gha mo‑se ino.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Amaköri gha Bhatomu 3:19

Ibheere, motuukuune amasari ghaanyu, na moriigharurere Eryobha, rebhaabhërë. Ghaache amabhagha gha koweera gho kubha‑ho Omutëmi,

Obhohunyurëru 20:3

ghokarëkëru mwirooma re mashambu. Aghiighara orwighe, aghatoora omohuuri o nyaghame kubha ghotabhöna omweya wiiki o kobhangʼiina abhaato bha matöngö. Hano eriibhagha re kibhöhö reghosira, ngokwëndëru ghotighooroku kwo riibhagha ighuhe.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

Mataayo 25:46

“Niho abhaköri bha masari bhaare bhaghutanura na ghuye ghoteneru ekiina ke miishe ghyose. Amare bhaare abhahëënë, mbaghusöha mo‑bhuhöru bho miishe ghyose.”

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Abharuumi 9:22

Eryobha ryose hangʼu reenyi. ꞉Ndyëëndiri kwërëki abhaato obhororo bhooche na köbhëërëki changuru cheeche, amare ꞉ndeeghumeriiri chwee abhaato bhano ꞉bhaarëngʼaaniire ghosireekereru.

Ruuka 14:33

“Hangʼu hangʼu, taanyi‑ho koru umu ghokoonyu uno aghotora kubha omughëndi waane, aribha ataamara atigha bhyose bhino anyi nabhyo.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Ruuka 9:33

Eriibhagha bhayo bhabhere ꞉bhaare bharataana na Yesu, Bheetero akamobhoorera akabhugha, “Oo Omutëmi wiito! Ekabha bhoheene itu kubha hano. Twabhëkë hano ebhebhuru bhitato, kimu kibhe ghekeecho, ne ekende ke Musa, ne ekende ke Eriya.” Hano Bheetero asiikëriire ighoro e kwabhëka ebhebhuru, taamënyiri kino aghosiikëra.

Mataayo 7:14

Amare ekehita kino ghekwërëkëra mo‑bhuhöru n‑gheghute, na anchëra e kwërëkëra iyo n‑inkërëghësö, n‑abhaato bharëngʼaaneru hangʼu bhano bhaghotora koyimënya anchëra iyo.