Mataayo 6:9 - Eriiraghano Eriihë

⁹ Mbe, inyu musabhe Eryobha morabhugha, ‘Taata wiito uno onyi Mwishaaro, eriina reecho reghongibhu.

Mataayo 6:9 Referans Kwoze

Obhohunyurëru 4:11

“Omutëmi wiito ne Eryobha riito, nurëngʼaaniire ghoghongibhu, na ghosooku na kubha no obhotoro bhoose. Iye niiye utëëmiri ebheghiro bhyose, gho ghosiigha koocho ꞉mbiitëëmuru, wiiki niho bheenyi.”

Abharuumi 8:15

Eryobha retabhaheere Akörö Ahörëëru kubha mubhe abhasësë na kobhaköra moretiine wiiki, amare ndebhaheere Akörö Ahörëëru kubha mubhe abhaana bhaache. Gho Körö ntokorebherekera Eryobha “Abha,” egheteemoro keeche “Taata.”

Abhagharatiya 4:6

Eryobha ꞉ndeetomiri Akörö e Moona waache mo‑metema ghiito, gho kubha itu ntoonyi abhaana bha Ryobha. Akörö iyo niyo eghotuköra torebherekere Eryobha “Abha,” egheteemoro keeche “Taata.”

Obhohunyurëru 5:12

Nekabhatëghëërëra bhareemba kwo riiraka, bharabhugha, “Omoona o Ngʼöndu uno asinchuru, nakurëngʼaanera ghosongʼaana obhotoro, no obhwame na amangʼiini. Changuru, na asooko, no obhokumi obhokoro, na aghongo m‑bhebheeche!”

Mataayo 7:11

Nangabha moonyi bha masari, mweche kobhaha abhaana bhaanyu ebheghiro ebhichömu. Mbe! Taanyi hëënë kubha, Taata waanyu uno anyi Mwishaaro naghuköra ghokera ghayo? Mahëënë nakobhaha ebhichömu bhoose bhano bhakomusabha!

Mataayo 26:29

Amare ˆnekabhabhoorera kubha nteekunyo wiiki adivaayi ino mbagha mo‑rosiko runo neekunyo ahë haghirohamu na niinyu mo‑bhutëmi bho Taata waane.”

Mataayo 23:9

Wiiki, motabha moramobherekera omooto wowoose morabhugha, ‘Oo taata’ mo‑se ino, gho kubha moonyi ni Iso waanyu umu hangʼu, uno anyi Mwishaaro.

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Ruuka 15:18

Ibheere neghugharuka o‑taata, nemobhoorere nebhughe, “Taata, neritaasiiri Eryobha, na neghutaasiiri na niiye woose.

1 Bheetero 1:17

Inyu mokorebherekera Eryobha, Taata. Iryo retaakwahukani omooto wowoose, amare ndeghotenera ekiina abhaato bhoose kurëngʼaana na amaköri ghano ꞉bhaaköriri. Gho ghayo, mumanye gho korisëngëra Eryobha kwo riibhagha rino risaaghiri ghokoonyu re kumanya hano mo‑se kinya abhaghëni.

1 Timotewo 6:16

Eryobha eryene chiri niryo retaaghoku, ndikeere mo‑bhwero bhuno omooto taaghotora kobhwishukerera. Wiiki taanyi‑ho omooto uno arerooche, koru uno aghotora korerighi. Iryo resongʼaane asooko na changuru emiishe ghyose. Hawubhaabha.

Ruuka 15:21

Omoona uyo, akamobhoorera ishe akabhugha, ‘Taata, neritaasiiri Eryobha, na neghutaasiiri na niiye woose. Nteekurëngʼaanera kobherekeru omoona waacho wiiki.’

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Mataayo 6:14

Yesu akëëndërëra kobhugha, “Aribha mokobhaabhëra abhaghëndi amasari ghaabho, Taata waanyu uno anyi Mwishaaro nakobhaabhëra na niinyu amasari ghaanyu.

Mataayo 6:6

Amare iye hano oghusabha Eryobha, usöhë mo‑kenyumba na wighare orwighe. Oramara usabhe gho Taata waacho uno ataakorighibhu. Niho Taata waanyu uno ahaarighi ghano ghaghuköru mo‑kebhisere, naghoghoghongi.

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Abhagharatiya 1:1

Anyaarubha ino neyandëkiri eni Bhawuro. Eni ntetomuru na abhaato hamu kuhatëku no omooto nyarebhe, amare ꞉neetomuru na Yesu Kirisito na Taata Waryobha uno amoryokiri Yesu koru mo‑bhaku.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Mataayo 26:42

Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

Mataayo 10:29

Kana, ebhichëghë bhibhere bhetaaghoghoru kwo riighori isuuhu hangʼu? Koru hangʼu ghetaanyi‑ho eghichëghë mo‑bhiyo kino gheeghugho haase, aribha Taata waanyu atiisheriiri.