Mataayo 6:25 - Eriiraghano Eriihë

²⁵ “Mbe, ˆnekabhabhoorera, motanyaakera eriimanya reenyu kubha neke mookurë, hamu neke mookunyo, hamu kubha neke mokobheeka. Kana, obhuhöru bhotaaghokera ebhiinyakurë, no omobhere tooghokera changibho?

Mataayo 6:25 Referans Kwoze

Abhabhiribhi 4:6

Motighe kwinyaaki mo‑ngʼana yoyoose, amare mo‑mangʼana ghoose musabhe na ghusasaama, haghirohamu na ghwitabheri, amënda ghaanyu ghamënyu ne Eryobha.

1 Bheetero 5:7

Moretighere Eryobha ahaho yaanyu yoose, gho kubha ndekobhatereera chwee.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

Mataayo 6:31

“Mbe, motiinyaaki kubha, ‘Neke tookurë?’ hamu ‘Neke tookunyo?’ hamu ‘Neke tokobheeka?’

Maariko 4:19

amare, ibho mbaghwituuri chwee ighoro e mangʼana gha riimanya rino. Wiiki mbaghwighomba kubha no obhwame bhwaru haghirohamu na ghutabhara ebheghiro ebhichömu ebhende. Ghayo ngahabhandereri angʼana, nayo ekindu ghuköra emeremo.

Mataayo 10:19

Hano bhakobhaghööta na kobhahira mo‑bhakangati, motaacha kubha na ahaho kubha neke moghosiikëra, hamu nibhu moghosiikëra. Eryobha eryene ndekobhaha ghano moghosiikëra kwo riibhagha riyo.

1 Abhakorinto 7:32

Nekwënda motabha na ahaho ighoro e mangʼana gha riimanya rino. Omooto uno akeere ghokwira, nahahöki emeremo ghe Mutëmi, nakwihëëbha kinya bhuno akomotegheri Omutëmi.

Mataayo 6:34

“Mbe, motiinyaaki ighoro e tabhoori gho kubha tabhoori nekwinyaakera eyeene. Orosiko roose ndoonyi na anyaako yaache.

2 Timotewo 2:4

Taanyi‑ho omoshirikare omuhöriicho uno aghotigha kuhöki emeremo ghe bhoshirikare, asöhë mo‑meremo ghino ghetaanyi ghe bhoshirikare. Taaghwisöhi mo‑ghiyo, gho kubha nakwënda ghuchömëri omokoro waache.

Ruuka 8:14

“Chambusuru chino ꞉cheeghweriire ghate e maho, nchekwërëki abhaato bhano bhakooghu angʼana e Ryobha. Amare hano bhakwëndërëra, bhabhandereru na ahaho, no obhutabhari bho bhwame, na amasineenu gha moose ino. Ghayo ngaghughëri obhokumi bhoobho bhotaruusi amakorobhese amachömu.

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

Ruuka 12:11

“Hano mokohiru mo‑masinaghooghi, na ambërë e bhakangati, na bhano bhaanyi no obhotoro, koru hangʼu motanyaaka ighoro e ghano mokobhugha gho ghwitachura.

Maariko 13:11

Hano abhaato bhayo bhakobhaghööta na kobhahira mo‑mabharacha na ghoteneru ekiina, motiinyaaki ighoro e ghano moghosiikëra. Mosiikërë ryoryose rino mokuhaabhu ne Eryobha eriibhagha riyo riyo. Taanyi inyu abheene moghosiikëra, amare n‑Akörö Ahörëëru ino enyi moose yaanyu niyo eghosiikëra.