Mataayo 6:19 - Eriiraghano Eriihë

¹⁹ “Motitoorera agharinga mo‑se ino, gho kubha nekwiröötëra ne ebhebhongi mbeghusari, na abhiibhi mbaghusöha na kwibha.

Mataayo 6:19 Referans Kwoze

Abheebhuraaniya 13:5

Motabha na atëëmö e ghosiigha chambiiri, amare muhaabhe na bhino moonyi nabhyo, gho kubha Eryobha eryene ꞉ndeebhughiri kubha, “Nteeghoghotigha koru nteeghoghosuuhera naabha.”

Ruuka 12:21

Yesu akamareereri gho kobhugha kubha, “Hangʼu ekuucha kubha, kwo mooto wowoose uno akwinyaaki gho ghwikomera na ghwitoorera obhwame bho mo‑se ino, amare taanyi gho ghwitoorera obhwame kwo Ryobha re Mwishaaro.”

Ruuka 18:22

Hano Yesu oghwire ghayo, akamobhoorera akabhugha, “Okeere nokwëndëru ghuköra angʼana imu. Nooghi obheghori ebheghiro bheecho bhyose bhino onyi nabhyo, chambiiri chino okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

Ruuka 12:33

Mbe, moghori ebheghiro bheenyu, mobhahë abhahabhe. Mwitoorere amaghöchi ghano ghataaghokunguha, mubhe na agharinga ino etaaghosuuha Mwishaaro, hano omwibhi ataakohika, koru ebhebhongi bhetaakobhongi.

Ruuka 18:24

Yesu, hano amorooche ˆakabha na amacheeche hangʼu, akabhugha, “Neekubha ghuköngʼu chwee kwo bhaame ghusöha mo‑bhutëmi bho Ryobha!

Mataayo 19:21

Yesu akamobhoorera akabhugha, “Aribha okwënda kubha omuhëënë, nooghi oghori ebheghiro bhyose bhino onyi nabhyo, chambiiri chiyo okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Mataayo 6:20

Amare mwitoorere agharinga Mwishaaro hano etaakwiröötëra ne ebhebhongi bhetaaghusari, na hano abhiibhi bhataaghusöha na kwibha.

Ruuka 12:39

Amare, mumënyë bhoheene angʼana ino, aribha omwene anyumba angamënyiri eriibhagha rino omwibhi akuucha, nangiisëëmiri ghochonga, kubha omwibhi ataacha kuucha na kuhaanyura eghisëku ke nyumba yaache.