Mataayo 6:10 - Eriiraghano Eriihë

¹⁰ Obhutëmi bhoocho bhuuche, amiigha ghaacho ghahikeerane, hano mo‑se kinya iyo Mwishaaro.

Mataayo 6:10 Referans Kwoze

Abheebhuraaniya 10:36

Mokwëndëru mubhe moraghumereri kubha eriibhagha mookubha moraköra ghano Eryobha rekwënda, mubhönë kiire Eryobha ꞉reebharaghiire kobhaha.

Yohana 4:34

Yesu akabhagharokeri akabhugha, “Ekiinyakurë keene n‑ghuköra amiigha gha uno antomiri, wiiki nimare emeremo gheeche.

Mataayo 26:42

Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”

Mataayo 12:50

Gho kubha omooto wowoose uno aghuköra ghano ghaanyi amiigha gha Taata waane uno anyi Mwishaaro, uyo niwe omwito, na niwe yiima.”

1 Abhatesaronike 5:18

Mwitabheri Eryobha mo‑ghoose, gho kubha ghayo nigho iryo rekwënda mubhe moraköra kinya bhuure Kirisito Yesu ꞉aköriri.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

Abhaebheeso 6:6

Hano mookubha moraköra hangʼu, etabha kwo riibhagha rino bhakobharighi, kubha mwichömi ghokoobho. Amare, mobhasooke kinya abhasësë bha Kirisito, mubhe moraköra amënda gha Ryobha gho körö imu.

Mataayo 7:21

“Taanyi omooto woose uno akomboorera, ‘Oo Omutëmi, oo Omutëmi,’ uno aghusöha mo‑bhutëmi bho Mwishaaro. Amare omooto uno aghuköra amiigha gha Taata waane uno anyi Mwishaaro, uyo, niwe aghusöha.

1 Bheetero 2:15

Eryobha ndekwënda, mubhe moraköra amangʼana amachömu, kubha mobhakiri abharaghaanu bhano bhateeche amangʼana ghaache.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Ruuka 22:42

“Oo Taata! Örëënda, onduuseri eghisënchö ke nyaako ino enyi ambërë yaane. Amare etabha kinya nekwënda eni, amare amiigha ghaacho ghaköru.” [

Yohana 7:17

Omooto wowoose uno akwënda ghuköra amiigha gha Ryobha, nakumënya kubha ameeghi ghano gharuure kwo Waryobha, na kubha nteeghosiikëra amangʼana ghaane eni omwene.

Obhohunyurëru 19:6

Nekamara, nekooghu amaraka kinya gha rikinda ikoro. Amaraka ghayo ghakaherera kinya bhuure amanche maaru ghahaaherera hano ghahaabha gharaghëri. Wiiki ngaare kinya eriiraka ikoro re runanehi. Gharabhugha, “Aghongibhu Waryobha! Gho kubha Omutëmi Waryobha wiito o Bhotoro Bhoose aghasëëma ghukangata.

1 Abhatesaronike 4:3

Eryobha ndekwënda mubhe abhatööbhiyu, motighe ghuköra obhutaari.

Amaköri gha Bhatomu 21:14

Hano torooche kubha Bhawuro taaghototereera, tokamotigha, tokabhugha kubha, “Amiigha gha Mutëmi nigho ghaköru.”

Amaköri gha Bhatomu 13:22

Rekamara Eryobha rekamoruusi Sawuri, rekamotoora Tawuti kubha omutëmi waabho. Eryobha rekabhugha ighoro e Tawuti, ‘Nerooche kubha, Tawuti mwërëëti o Yeese niwe achömiiri omotema waane, niwe aghuköra amënda ghaane ghoose.’

Mataayo 4:17

Korwera eriibhagha riyo, Yesu nasëëmiri kuraghani arabhugha, “Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Obhohunyurëru 12:10

Mbe, nekooghu eriiraka ikoro koru Mwishaaro rerabhugha, “Ibheere, Eryobha riito ˆreghatoori abhaato bhaache. Ndihökiiri obhotoro bhooche ghusëëmi obhutëmi bhooche! Kirisito woose nëërëkiri obhotoro bhooche, gho kubha omusëmi o bhakumi bhaghëndi bhiito narëkiiru haase, uno akobhasëma ambërë e Ryobha obhotiko no omwishe.

1 Bheetero 4:2

Gho nchëra iyo, eriimanya reeche ryose rino risaaghiri, nakumanya kurëngʼaana na bhuno Eryobha rekwënda, taanyi gho ghutambana amiigha gha bhaato.

Abheebhuraaniya 10:7

Mbe, gho ghayo ꞉neesiikiire, nekabhugha, ‘Oo Waryobha waane! Eni neenyi hano kubha nibhe neraköra amiigha ghaacho, kinya bhuno Amandëkö Amatööbhiyu ghaghungamba eni.’ ”

Ruuka 19:38

bharabhugha, “Niitabhiiru Omutëmi uno akuucha kwo riina re Mutëmi Waryobha. Mwishaaro, habhe no omurëmbë ghate e Ryobha na abhaato bhaache. Ntokomoghongi Waryobha uno anyi ighoro e bhyose!”

Maariko 3:35

Gho kubha omooto wowoose uno aghuköra ghano ghaanyi amiigha gha Eryobha, uyo niwe omwito na niwe yiima.”

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Maariko 11:10

Ntoghoghoghongi iye, Omutëmi o bhutëmi bho sookoro wiito Tawuti bhuno bhokuucha! Hosaana Eryobha re Mwishaaro!”

Obhohunyurëru 11:15

Akamara, marayika o mohungate aghatëma antaara yaache. Nekamara nekooghu eriiraka ikoro iyo Mwishaaro rerabhugha, “Obhukangati bho se mbughööturu no Omutëmi Waryobha wiito, na Kirisito waache uno amwahwire ghotoori abhaato. Iryo ndeghukangata emiishe ne emiishe.”

Obhohunyurëru 20:4

Niho nekarighi ebhetumbe bhe ghitëmi bhikariiru na bhano ꞉bhaare bhahaabhuru obhotoro bho ghotena ekiina. Bhayo, n‑chaakörö chiire che bhaato bhano ꞉bhaanunguru emitu gho koruusi obhwibhateri ighoro e Yesu na kuraghani amangʼana e Ryobha. Bhatasëngiire oghotyenyi ghuure koru asanaamu yaache. Bhatiisheriiri ghotooreru ekingʼöchö ghe ghotyenyi ghuyo mo‑masho ghaabho koru mo‑mabhökö ghaabho. Abhaato bhano ꞉bhaaryokiri, bhaghakangata haghirohamu na Kirisito emeeka egheku kimu.

Abheebhuraaniya 1:14

Gho ghayo marayika n‑gheghiro ke? Ibho n‑abhatamishi bha Ryobha, wiiki n‑chaakörö chino Eryobha rehaachetoma kobhahökëri bhaare bhaghotooribhu.

Abhakorosaayi 1:13

Natotooriri koru mo‑bhutëmi bho kengʼuuri, aghatusaami na ghotusöhi mo‑bhutëmi bho Moona waache omosiighani.

Ruuka 19:11

Abhaato bhano ꞉bhaare bharamutëghëërëra Yesu, ꞉mbiituuriri kubha obhutëmi bho Ryobha mbokorwera hayo hayo, gho kubha Yesu naare ˆaghatingʼi Yerusareemu, omoghya uno abhatëmi ꞉bhaare bhariikara.

Amaköri gha Bhatomu 22:14

“Akamboorera, ‘Eryobha re bhasookoro bhiito ndekwahwire, gho ghiri umënyë amiigha ghaache, na wirigheri Yesu uno anyi omuhëënë ambërë yaache, na koritëghëërëra eriiraka reeche omwene.