Mataayo 5:9 - Eriiraghano Eriihë

⁹ Ngʼoni bhano bhaanyi abharwachi, gho kubha Eryobha ndekobhabherekera abhaana bhaache.

Mataayo 5:9 Referans Kwoze

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Abharuumi 12:18

Kwo ribhaara reenyu, mwiköngʼi ghuköra ghyokyose kino inyu moghotora, mubhe no omurëmbë na abhaato bhoose.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abharuumi 8:14

Bhoose bhano bhaghukangatu na Akörö e Ryobha, bhayo nibho abhaana bha Ryobha.

Ruuka 6:35

“Amare inyu, mobhasiighe abhabhisa bhaanyu, mobhatoori, mobhahë asiire, motiitëngʼëra kubha mbakobhagharokeri. Moraköra hangʼu niho mokubhöna atuho inkoro, na kubha abhaana bha hëënë bha Waryobha Omokoro o Bhyose. Gho kubha, Eryobha ndeghusakëri koru bhaare bhataakoriitabheri, na abhaköri bha mabhe.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

Abhakorosaayi 3:13

Moghumererani inyu bheene kwo bheene na kwabhërana. Aribha umu ghate yaanyu naanyi na angʼana kwo mughëndi, mokwëndëru mwabhërane kinya bhuno Omutëmi Yesu abhaabhiire inyu.

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

2 Abhakorinto 5:20

Ibheere, Kirisito natotomiri ghuköra emeremo gheeche, na gho kohetera ghokwito Eryobha ndekobhasasaama mubhe no obhoghwani naryo. Nikyo gheghughëri torahënërëra ighoro e Kirisito kubha, mubhe no obhoghwani ne Eryobha.

Amaköri gha Bhatomu 7:26

“Atabhoori yaache, akabhabhöna Abhiisiraeri bhabhere bhararööna. Aghasaki kobhatëmëërani gho kobhabhoorera, ‘Bhamura, inyu m‑bhahiiri moonyi! Kana ngwake mokurööna?’

Mataayo 5:45

Mbe, hayo mookubha abhaana bha Taata waanyu uno anyi Mwishaaro, gho kubha iwe nahaarëngaari eryobha kwo bhaato abhahëënë na abhabhe. Wiiki, nahaatëëki ambura kwo bhaghöröröku haghirohamu na bhano bhaanyi na amasari.

1 Abhakorinto 6:6

Amare inyu, moonyi na atëëmö e ghusëmana inyu bheene kwo bheene mo‑mabharacha, koru mo‑bhateni bha kiina bhano bhataanyi abhakumi!

Abhabhiribhi 4:2

ˆNekabhasasaama chwee Ewotiya na Sintike bhabhe no obhoghwani gho kubha bhoose mbakomutambana Omutëmi Yesu.

Ruuka 20:36

Wiiki bhataaghotora ghoku, gho kubha mbaakubha kinya bhamarayika. Mbaakubha abhaana bha Ryobha, gho kubha mbaryokiibhu koru mo‑bhaku.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abharuumi 8:16

Akörö iyo ayeene nekuhëënëhi mo‑metema ghiito kubha, itu n‑abhaana bha Ryobha toonyi.

Abharuumi 8:19

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.