Mataayo 5:42 - Eriiraghano Eriihë

⁴² Omooto wowoose araghusabha egheghiro, omuhë. Wiiki omooto araghusabha asiire omuhë, otamwima.

Mataayo 5:42 Referans Kwoze

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.

Abharuumi 12:20

Wiiki, Amandëkö Amatööbhiyu ngakobhugha ighoro e korehani asiire kubha, “Aribha omobhisa waacho anyi na anchëra, omuhë ebhiinyakurë. Wiiki aribha anyi na anyööta, omuhë ghe kunyo. Oraköra hangʼu, nookubha kinya omokomiire amakara gha mororo a‑mutu waache.”

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.

Ruuka 11:41

Mbe, mobhakörërë amachömu abhahabhe kwo metema gheenyu ghyose, niho bhyose bheekubha bhemusuru gho ghiri yaanyu.

Mataayo 5:41

Wiiki, aribha omooto arakuhaamereri ghughëgha omorigho waache orughëndö ro kiromeeta imu, owohiki chakiromeeta ibhere.