Mataayo 5:3 - Eriiraghano Eriihë

³ “Ngʼoni bhano bhaanyi abhahabhe mo‑chaakörö, gho kubha obhutëmi bho Mwishaaro m‑bhobhoobho.

Mataayo 5:3 Referans Kwoze

Ruuka 18:14

Niho Yesu akëëndërëra akabhugha, “ˆNekabhabhoorera kubha, omutöbhi uyo o righööti ꞉naagharokiri awaache, amariri kwabhëru ne Eryobha. Amare uyo owonde, tiyaanyi! Omooto woose uno aghwitiiri, Eryobha ndekomwiki haase. Wiiki omooto woose uno aghwitoora haase, Eryobha ndekomotiiri ighoro.”

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

Ruuka 11:28

Amare Yesu akabhugha, “Mbiitabhiiru chwee bhano bhakooghu angʼana e Ryobha na koyesooka!”

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

Ruuka 4:18

“Akörö e Mutëmi Waryobha, neenyi haghirohamu na neeni. Wiiki, nimariri konyaahura kobhamënyi, abhahabhe Angʼana Anchömu. Nentomiri kwo bhabhöhu, nebhabhoorere kubha mbaghotighooroku. Abhahuku, bhatore korighi wiiki, na bhano bhakunyaakibhu, nebhatoori.

Maariko 10:14

Hano Yesu abharooche abhaanabheegha bhaache bharaköra hangʼu, aghakarara. Akabhabhoorera akabhugha, “Mobhatighe abhaana abhasuuhu bhaache ghokoone, motabharëki, gho kubha obhutëmi bho Ryobha m‑bho bhaato bhano bhaanyi kinya abhaana bhano.

Mataayo 13:16

“Amare Eryobha ndebhitabhiiri inyu, gho kubha amiisho ghaanyu ngakorighi na amatu ghaanyu ngakooghu.

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

Yohana 20:29

Yesu akamugharokeri akabhugha, “ˆOghakumi gho kubha nondooche. Mbiitabhiiru bhano bhankumiri koru nangabha bhatandooche.”

Mataayo 24:46

Neekubha ngʼoni kwo musësë uyo hano omutëmi waache aragharuka koru mo‑rughëndö, amubhönë araköra hangʼu.

Yakobho 1:10

Amare omwame woose, nakwëndëru achömëru hano aghwikibhu ne Eryobha, gho kubha nakuucha kobhora kinya ebhibhari bhi ibhara.

Obhohunyurëru 22:14

Ngʼoni abhaato bhano bhakohura chandachana cheebho, kubha bhiisherereru ghusöha omoghya uyo omuhë kohetera ekehita keeche na kurë amakorobhese gha mote o kobhaha abhaato obhuhöru.

Obhohunyurëru 19:9

Marayika uyo akamboorera akabhugha, “Andëka, ngʼoni bhano bharaghiinu mo‑nyangi e riirugha e Omoona o Ngʼöndu.” Wiiki akamboorera akabhugha, “Ghano nighambiri n‑amangʼana gha mahëënë gha Ryobha.”

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Mataayo 11:6

Ngʼoni omooto wowoose uno ataanyi na kemboori ighoro yaane.”

Mataayo 8:11

ˆNekabhabhoorera kubha abhaato bhaaru mbaakoru chambaara choose che se na ghusöha mo‑bhutëmi bho Mwishaaro. Mbakuucha kuraaghëra haghirohamu na Abhurahamu na Isaka na Yakobho.

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Mataayo 19:14

Amare Yesu akabhabhoorera akabhugha, “Mobhatighe abhaana abhasuuhu bhaache ghokoone, motabharëki, gho kubha obhutëmi bho Mwishaaro m‑bho bhaato bhano bhaanyi kinya abhaana bhano.”

Ruuka 22:29

Ibheere, nekobhaköra mubhe abhatëmi, kinya bhuure Taata waane ꞉anköriri kubha Omutëmi,

Ruuka 22:30

ntookubha toraraaghëra ebhiinyakurë na kunyo haghirohamu mo‑bhutëmi bhoone. Na moghwikara mo‑bhetumbe bhe bhokumi obhokoro, moratenera ekiina amatöngö ikomi na abhere gha Bhiisiraeri.”

Obhohunyurëru 3:17

Mokobhugha kubha, “Itu m‑bhaame toonyi. Ntwiyaamihiri chwee. Ntoonyi na kira gheghiro, totaaghosuuheru koru hasuuhu!” Amare moteeche kubha inyu m‑bhatöbhu moonyi, murëngʼaaniire korigheru changori, na m‑bhahabhe moonyi, na m‑bhahuku moonyi, wiiki n‑kingʼaabhi moonyi.