Mataayo 5:29 - Eriiraghano Eriihë

²⁹ Mbe, eriiso reecho re kwiro reraköra ukörë amasari, oreruusi na korite kurë. N‑ghuchömu kobhori ekyemo kimu ghokera omobhere waacho woose kurëkëru mwiribha re mororo.

Mataayo 5:29 Referans Kwoze

Abharuumi 8:13

Aribha moramanya gho ghukangatu na simoka e masari, mooghoku. Amare, moraanga kimu gho changuru che Körö Ahörëëru ghuköra amangʼana ghano simoka yaanyu e masari ekwënda mukörë, mokumanya emiishe ghyose.

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

1 Abhakorinto 9:27

Amare nekowunyaaki na kowunari omobhere waane ghoghumereri, kubha ndamara kobharaghaneri abhaato Angʼana Anchömu, eni omwene netaacha kwangu ambërë e Ryobha.

Abharuumi 6:6

Ntweche kubha eriimanya riito re kare ꞉ndiimamburu haghirohamu na Kirisito mo‑musarabha, kubha changuru che masari chetatukangata wiiki, na ghotuköra tubhe abhasësë bha masari.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Maariko 8:36

Omooto nakubhöna ke, aribha abhwine ebheghiro bhyose bhe mo‑se ino, amare abhori obhuhöru bho miishe ghyose?

Mataayo 19:12

Nekobhugha hangʼu gho kubha, abhande ꞉mbiibhwiru bhachigharu bhataaghokwira. Abhande bhataaghokwira gho kubha abhaato mbabhaturiri kubha bhatabha bhariibhora. Mbaanyi‑ho na abhande bhano bhataaghokwira gho ghiri e bhutëmi bho Mwishaaro. Omooto wowoose uno aghotora ghosongʼaana angʼana ino, na ayesongʼaane.”

Mataayo 10:28

Motabhatiina bhano bhaghwita omobhere, amare bhataaghotora ghwita akörö. Mokwëndëru moretiine Eryobha eryene chiri rino reghotora ghosireekereri omobhere haghirohamu na akörö mo‑riiribha re mororo.

Mataayo 23:15

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha mokwinaara chwee mo‑se ayoomu na ghutëënya anyancha kubha momukörë omooto o matöngö kubha Omuyahuuti. Amare moramara komugharura omooto uyo, mokomuköra kubha o mwiribha re mororo mara kabhere ghokera inyu.

Mataayo 16:26

Kana omooto nakubhöna ke, aribha abhwine ebheghiro bhyose bhe mo‑se ino, amare abhori obhuhöru bho miishe ghyose? Hamu omooto naghotora koruusi egheghiro ke kibhatere obhuhöru bhooche?

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Mataayo 23:33

Inyu bhano moonyi kinya anchöka, na niinyu bhano moonyi kinya abhaana bha machöka! Nibhu moghotora ghwisacha anchagho e Ryobha e mwiribha re mororo?

Ruuka 12:5

Amare, nekobhëërëki uno moghotora ghotiina. Motiine Eryobha, gho kubha reramara ghwita omooto, ndeenyi no obhotoro bho komurëkëra mwiribha re mororo. Mbe, uyo niwe momotiine.

Mataayo 5:30

Wiiki, aribha n‑okubhökö koocho gho kwiro ghoghughëri ukörë amasari, okonunge oghutë kurë. N‑ghuchömu kobhori ekyemo kimu mo‑mobhere waacho, ghokera omobhere waacho woose kurëkëru mwiribha re mororo.

Mataayo 11:6

Ngʼoni omooto wowoose uno ataanyi na kemboori ighoro yaane.”

Mataayo 17:27

Amare totaacha kobhakarari abhaato bhano, nooghi mo‑nyancha uröbhi. Asu a yimbërë ino oghughööti, oyisënë mo‑monu, nokubhöna‑mu chambiiri, oghi orehe erighööti reene na re reecho.”