Mataayo 5:11 - Eriiraghano Eriihë

¹¹ “Ngʼoni inyu abhaato bharabhatoka na kobhanyaaki, na kobhaghamba kobhe kwo manga maaru gho ghiri yaane,

Mataayo 5:11 Referans Kwoze

1 Bheetero 4:14

Aribha moghotoku gho ghiri e riina re Kirisito, ngʼoni inyu. Angʼana iyo nekwërëki kubha Akörö e Ryobha e bhokumi obhokoro neenyi haghirohamu na niinyu.

Ruuka 21:17

Abhaato bha matöngö ghoose mbakobharëgha, gho kubha moghuntambana eni.

Maariko 13:13

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Mataayo 24:9

Kwo riibhagha riyo, abhaato mbaakubha bharabhanyaaki na kobhiita, na abhaato bha matöngö ghoose mbakobharëgha, gho kubha moghuntambana eni.

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

1 Bheetero 2:23

Hano atokuru, tagharokiiri angʼana yoyoose. Hano anyaakiru, taasakiri korehani asiire, amare ꞉naaretighiire Eryobha ghoose, rino reghotena ekiina kwo bhuhëënë.

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Mataayo 10:39

Omooto wowoose uno akwënda kobhuhöni obhuhöru bhooche, nakobhori obhuhöru bho miishe ghyose. Wiiki wowoose uno akobhobhori obhuhöru bhooche gho ghiri yaane, nakobhubhöna obhuhöru bho miishe ghyose.

Obhohunyurëru 2:3

Wiiki, nyeeche munyaakiru chwee gho ghiri e riina reene, amare moghumeriiri na koru ibheere motaamara mutamu.

Mataayo 19:29

Mbe, omooto wowoose uno atighiri anyumba hamu bhaömööbhö hamu abhasubhaati hamu ishe hamu nyina hamu abhaana bhaache hamu emeghondo gho ghiri yaane, naghosongʼaana bhyose kwo bhwaru chwee. Wiiki nakubhöna obhuhöru bho miishe ghyose.

2 Abhakorinto 4:11

Itu bhano toonyi abhahöru, eriibhagha ryose ntoonyi mo‑tabhaaribhaari e roko gho ghiri e Yesu, kubha obhuhöru bhooche bhorighibhu mo‑mebhere ghiito ghino gheeghoku.

1 Abhakorinto 4:10

Abhaato bhaaru mbaghotorighi kubha, itu m‑bharaghaanu toonyi, gho kubha ntokomuhökëri Kirisito, amare inyu mokwirighi kubha moonyi na amangʼiini gho kubha mokomutambana Kirisito. Itu ntokorighibhu kubha, m‑bhatöbhu toonyi, amare inyu mokwirighi kubha moonyi na changuru. Itu ntoghutaraahu, amare inyu mokwirighi kubha, m‑bha ghosooku moonyi.

Abharuumi 8:36

N‑kinya bhuno Amandëkö Amatööbhiyu ghakobhugha kubha, “Chaasiko choose ntokorighani no oroko, gho kubha ntoghokuhökëri iye. Ntoghukörëru kinya changʼöndu chino chekohiru ghosinchu.”

Ruuka 21:12

“Amare, hano ghaakubha ghayo ghoose ghakeere kwiyërëkani, abhaato mbakobhaghööta na kobhahira mo‑masinaghooghi, na mbakobhabhöha mo‑maghërëcha, bharabhanyaaki. Wiiki mokohiru ambërë e bhatëmi na abhakangati, gho kubha inyu m‑bhaghëndi bhaane moonyi.

Ruuka 9:24

Mbe, wowoose uno akwënda kobhuhöni obhuhöru bhooche, iwe nakobhobhori obhuhöru bhooche. Wiiki wowoose uno akobhobhori obhuhöru bhooche gho ghiri yaane, nakobhotoori.

Maariko 8:35

Gho ghayo omooto uno akwënda kobhuhöni obhuhöru bhooche, nakobhori obhuhöru bho miishe ghyose. Mahëënë wuure akoruusi obhuhöru bhooche gho ghiri yaane na gho ghiri e Ngʼana Anchömu, nakobhotoori.

Mataayo 10:25

Omoonamwegha nakwëndëru abhe kinya omweghi waache no omusësë woose abhe kinya omutëmi waache. Aribha akomobherekera omokoro o nyumba kubha m‑Bherisebhuuri, kana, taakobhabherekera abhaato bha mo‑nyumba yaache amariina amabhe ghokera ghayo?

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

Maariko 13:9

“Amare inyu, mubhe miisho chwee. Abhaato mbakobhahira mo‑mabharacha na kobhatëma kobhe mo‑masinaghooghi ghaabho. Mbakobhahira mo‑bhakangati bha se na mo‑bhatëmi, gho kubha monsongʼaaniri eni. Riyo ndeekubha eriibhagha re ghughambera Angʼana Anchömu ghokoobho.

Mataayo 27:39

Abhaato bhano ꞉bhaare bharaheta hayo, mbaare bharasingisi emitu gheebho na komotoka bharabhugha,

Maariko 4:17

Amare gho kubha mbatuubhiine ne emimërö ghino ghetaanyi ne emerya, mbahiikara na angʼana iyo kwo riibhagha isuuhu. Aribha anyaako hamu anyööri erabhabhöna ighoro e ngʼana iyo, hayo hayo bhayetigha.

Mataayo 10:18

Mbakobhahira ambërë e bhakangati na abhatëmi bha mo‑se ino gho ghiri yaane, kubha mubhe abhiibhateri bhaane ambërë yaabho na ambërë e bhaato bha matöngö.

Yohana 9:28

Amare ibho bhakamotoka bhakabhugha, “Iye niiye omoonamwegha waache! Amare itu n‑abhaanabheegha bha Musa.

Abhabhiribhi 1:29

Motahaabhuru komokumi Kirisito okwene, amare muhaabhuru koru kunyaakibhu gho ghiri yaache.