Mataayo 4:3 - Eriiraghano Eriihë

³ Niho Erishambu rekaacha komusaki, rerabhugha, “Aribha iye n‑Omoona o Ryobha onyi, ghabhoorere amabhohe ghano ghiigharure ghabhe emighaate.”

Mataayo 4:3 Referans Kwoze

1 Abhatesaronike 3:5

Hano nekeyuru ghoghumereri, nekamotoma Timotewo bhowaanyu, kubha nimënyë amangʼana gha bhokumi bhoonyu. ꞉Niiköriri hangʼu, gho kubha ꞉niituuriri kubha hande abhe Omoseeghereri wuure nabhasakiri na kobharumeeri. Ne emeremo ghiito ghyose ghino ꞉tuuköriri bhowaanyu, ghibhe ghe bhoowa.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Abheebhuraaniya 12:16

Mubhe miisho kubha ataacha kubha‑ho omooto wowoose ghate yaanyu omutaari hamu uno ataakoresooka Eryobha kinya Esaawu. Iwe aghaghori omweya waache o bhutange gho ghiri e kiinyakurë ke riibhagha rimu hangʼu.

Amaköri gha Bhatomu 9:20

Mo‑chaasiko chiyo chiyo, aghasëëma ghuye mo‑masinaghooghi na kuraghani kubha Yesu niwe Omoona o Ryobha.

Ruuka 4:9

Hano rimariri, Erishambu rekamohira Yesu Yerusareemu. Rekamwimeereri ighoro arososooni ro Risëngërö, rekamobhoorera rekabhugha, “Aribha iye n‑Omoona o Ryobha onyi, nwirëkërë haase,

Ruuka 4:3

Niho, Erishambu rekamobhoorera rekabhugha, “Aribha iye n‑Omoona o Ryobha onyi, nobhoorere eriibhohe rino riigharure ribhe omughaate.”

Mataayo 14:33

Mbe, abhaanabheegha bhano ꞉bhaasaaghiri mo‑bhwato, bhakamusëngëra Yesu bhakabhugha, “Mahëënë, iye n‑Omoona o Ryobha onyi!”

Mataayo 16:16

Simiyooni Bheetero akamugharokeri akabhugha, “Iye niiye Kirisito, Omoona o Ryobha rino reenyi ihöru.”

Mataayo 26:63

Amare Yesu tagharokiiri ghyokyose. Niho Omuchaama Omokoro uyo akamobhoorera wiiki akabhugha, “ˆNeghakoriishi ariingʼa kwo riina re Ryobha rino reenyi ihöru, notobhoorere aribha iye niiye Kirisito, Omoona o Ryobha.”

Maariko 1:1

Ino niyo simoka e Ngʼana Anchömu e Yesu Kirisito, Omoona o Ryobha.

Maariko 3:11

Abhaato bhano ꞉bhaare ne emisambu hano bhamorooche, bhaakabha bharagho ambërë yaache na korera kwo riiraka ikoro chwee bharabhugha, “Iye n‑Omoona o Ryobha onyi!”

Maariko 5:7

Aghaköra eriireghe kwo riiraka ikoro arabhugha, “Neke okwënda ghokoone, iye Yesu Omoona o Ryobha Omokoro o Bhyose? ˆNeghakoriishi ariingʼa kwo riina re Ryobha, otanyaaki!”

Ruuka 1:35

Akamugharokeri akabhugha, “Akörö Ahörëëru neghoghwikera, no obhotoro bho Ryobha Omokoro o Bhyose, mbookubha ighoro yaacho ghe kiriiri. Omoona uyo okwibhora, naakubha omwahöru, naakubha arabherekeru Omoona o Ryobha.

Ruuka 4:41

Wiiki, Yesu akahëëbha emisambu mo‑bhaato bhaaru, gheghakuura gherabhugha, “Iye n‑Omoona o Ryobha onyi!” Ibheere Yesu aghaghehiinya na ghoghirëki ghetasiikëra wiiki gho kubha emisambu ghiyo ꞉ngiimënyiri kubha niwe Kirisito.

Ruuka 22:70

Abhagharuka na abhakangati bha Bhayahuuti, bhakamobhoori Yesu wiiki, “Kana ibheere, iye niiye Omoona o Ryobha?” Yesu akabhagharokeri akabhugha, “Kana niinyu bheene mobhughiri kubha eni neeni!”

Yohana 1:34

Niho Yohana akëëndërëra kobhugha, “Eni negharooche, wiiki neghoghaghamba, kubha uyo niwe Omoona o Ryobha.”

Yohana 1:49

Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

Yohana 9:35

Hano Yesu oghwire kubha mbamuhëëbhiri omooto uyo, aghaye komutabhara. Eriibhagha ꞉amobhwine, akamobhoori akabhugha, “Kana, nokomokumi Omoona o Mooto?”

Yohana 20:31

Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.

2 Abhakorinto 1:19

Neghosiikëra hangʼu, gho kubha Kirisito Yesu, Omoona o Ryobha, uno eni, na Sirwano, na Timotewo ꞉toomuraghiini ghokoonyu, taare omooto o kobhugha, “Hee,” eriibhagha erimu, ne erende abhughe, “Tiyaanyi.” Amare ghokooche eriibhagha ryose n‑kobhugha, “Hee.”

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abheebhuraaniya 4:14

Mbe, ntoonyi nawe Omuchaama Omokoro, Yesu, Omoona o Ryobha uno aghiire na ghusöha Mwishaaro. Gho ghiri iyo, ntughöötërërë ghano toghokumi.

Abheebhuraaniya 7:3

Nekorighibhu kubha abhiibhori bha Merikiseteeki bhatamënyuru, no orwibhoro rooche rotamënyuru, kwibhoru na ghoku kooche ghotamënyuru. Iwe n‑kinya Omoona o Ryobha, gho kubha n‑omuchaama o miishe ghyose.

1 Yohana 3:8

Amare omooto wowoose uno akwëndërëra ghuköra amasari, n‑omooto o Rishambu. Ntweche ghayo gho kubha Erishambu ndyëndëriire ghuköra amasari korwera kare. Nikyo Omoona o Ryobha ꞉ichiri mo‑se, kubha aghisari emeremo ghe Rishambu.