Mataayo 4:13 - Eriiraghano Eriihë

¹³ Hano are Ghariraaya, Yesu akaru mo‑moghya o Nasareeti, aghaye ghwikara mo‑moghya o Kabherenawumu. Kabherenawumu n‑omoghya uno onyi rubhareka ro nyancha e Ghariraaya, mo‑robhebhe ro se e Sabhurooni na Nabhutaari.

Mataayo 4:13 Referans Kwoze

Yohana 4:46

Yesu aghaye wiiki mo‑moghya o Kana uno onyi Ghariraaya, hano agharwire amanche kubha adivaayi. Hayo, naare‑ho omukangati umu uno omoona waache o ghesubhe are mubhabharu iyo Kabherenawumu.

Maariko 1:21

Niho Yesu na abhaanabheegha bhaache bhane bhaaghaye mo‑moghya o Kabherenawumu. Hano orosiko ro Riikane rohikiri, bhaghasöha mo‑risinaghooghi, na Yesu aghasëëma kweghi.

Mataayo 11:23

Inyu abhaato bha moghya o Kabherenawumu, kana, mokwihëëbha kubha Eryobha ndekobhatiiri mbagha Mwishaaro? Tiyaanyi! Eryobha ndekobhiiki mbagha nyaari, gho kubha aribha ebheroghooro bhino ꞉bhiiköruru ghokoonyu, mbengaköruru na mo‑moghya o Sotoma, omoghya uyo nongabheere‑ho mbagha reero.

Yohana 6:59

Yesu ꞉naabhughiri amangʼana ghano eriibhagha are areeghi mo‑risinaghooghi iyo Kabherenawumu.

Yohana 6:24

Hano erikinda re bhaato bhaare ꞉bhaamënyiri kubha Yesu taanyi hayo, koru abhaanabheegha bhaache bhataanyi‑ho, bhaghasöha mo‑maato ghayo, bhaaghaye Kabherenawumu komutabhara Yesu.

Yohana 6:17

Hano ekengʼuuri ghisöhiri, bhaghasöha mo‑bhwato na ghusëëma ghutëënya anyancha ghuye Kabherenawumu, amare Yesu naare akeere kohika, ghughöötana nabho.

Yohana 2:12

Hano anyangi e riirugha esiriri, Yesu akahiringita ghuye mo‑moghya o Kabherenawumu haghirohamu na nyina, na bhaömööbhö, na abhaanabheegha bhaache. Bhaghiikara iyo chaasiko insuuhu.

Mataayo 17:24

Hano Yesu na abhaanabheegha bhaache bhahikiri Kabherenawumu, abhaato bhano ꞉bhaare bharatöbhi erighööti gho ghiri e Risëngërö, bhakamusëëta Bheetero. Bhakamobhoori bhakabhugha, “Omweghi waanyu woose naharuusi righööti re Risëngërö?”

Ruuka 4:23

Akabhabhoorera akabhugha, “Mbe, wiiki mokomboorera ekirëngi kino, ‘Omughabho, wiihöri iye omwene.’ Wiiki mokobhugha, ‘Ebheroghooro bhino tooghwire uköriri mo‑moghya o Kabherenawumu, nobhikörë na hano mo‑kyaro keecho!’”

Mataayo 4:14

꞉Niibheere hangʼu kubha ehikeerane angʼana ino Eryobha resiikiire gho kohetera omurööti Isaaya kubha,

Mataayo 4:15

“Ase e Sabhurooni ne e Nabhutaari, ncheenyi mo‑nchëra e kwërëkëra mo‑nyancha, amwambuko e rooche ro Yorotaani. Ghariraaya hayo niho ꞉bhaamanyiri abhaato bha matöngö.

Mataayo 9:1

Yesu aghasöha mo‑bhwato, aghatëënya anyancha e Ghariraaya, aghagharuka hano are ariikara mo‑moghya o Kabherenawumu.

Maariko 2:1

Mbe, Yesu aghagharuka wiiki mo‑moghya o Kabherenawumu. Hano chaasiko insuuhu chehetiri, abhaato bhakooghu kubha nagharokiri aka.

Ruuka 10:15

“Inyu, abhaato bha moghya o Kabherenawumu, kana mokwihëëbha kubha Eryobha ndekobhatiiri mbagha Mwishaaro? Tiyaanyi! Eryobha ndekobhiiki mbagha nyaari!”