Mataayo 28:6 - Eriiraghano Eriihë

⁶ Taanyi hano, naryokiibhu koru mo‑bhaku kinya bhuno are abhabhooriire. Muuche morighi hano bhaare bhamuraariri.

Mataayo 28:6 Referans Kwoze

Maariko 16:6

Niho akabhabhoorera akabhugha, “Motaroghoora. Nyeeche kubha mokomutabhara Yesu o Nasareeti, uno ꞉bhaamumambiri mo‑musarabha. Naryokiibhu, taanyi hano! Mumööhi hano niho bhaare bhamuraariri.

Mataayo 12:40

Kinya bhuure Yoona ꞉ikeere chaasiko ishato mo‑nda e su ankoro obhotiko no omwishe, hangʼu hangʼu na neeni uno neenyi Omoona o Mooto neghwikara chaasiko ishato mo‑mbeehera obhotiko no omwishe.

Mataayo 16:21

Korwera eriibhagha riyo, Yesu aghasëëma kobhabhoorera abhaanabheegha bhaache haheero kubha nakwëndëru aghi Yerusareemu, na kubhöna anyaako yaaru. ꞉Naabhabhooriire kubha, nakunyaakibhu na abhagharuka bha Bhayahuuti, na abhakoro bha bhachaama bha Ryobha na abheeghi bha meghiro, na ghwitu. Amare orosiko ro ghatato, nakoryoka.

Ruuka 24:23

bhataabhwine‑mu erihundughu re Yesu. ꞉Mbiichiri ghotobhoorera kubha ꞉mbaarweriiru na bhamarayika bhakabhabhoorera kubha Yesu m‑muhöru.

Ruuka 24:44

Akamara akabhabhoorera akabhugha, “Eriibhagha neere nekeere neenyi haghirohamu na niinyu, ghano, nigho amangʼana ghaane ghano ꞉neebhabhooriire, kubha ghoose ghano ghaandëkuru ighoro yaane ngakwëndëru ghahikeerane. Ibhe mo‑meghiro ghe Musa, na mo‑Mandëkö gha bharööti, na gha Sabhuri.”

Mataayo 27:63

Bhakamobhoorera bhakabhugha, “Oo omutëmi, tokahiita kubha omuröngö wuure hano are akeere muhöru, ꞉naasiikiire akabhugha, ‘Mo‑rosiko ro ghatato, nekoryoka koru mo‑bhaku.’

Yohana 2:19

Yesu akabhabhoorera akabhugha, “Muhaanyure Erisëngërö rino, eni nekoryabhëka gho chaasiko ishato.”

Maariko 8:31

Akamara Yesu aghasëëma kobheeghi abhaanabheegha bhaache kubha nakwëndëru, Omoona o Mooto, abhönë anyaako ihaari, na kwangu na abhagharuka bha Bhayahuuti, na abhakoro bha bhachaama, na abheeghi bha meghiro, na ghwitu. Amare orosiko ro ghatato korwera ghoku ghokooche, nakoryoka.

Yohana 10:17

“Taata nansiighiri gho kubha nekoruusi obhuhöru bhoone, kubha neramara nebhwimoki wiiki.

Ruuka 24:12

Hayo hayo, Bheetero akiimeerera, aghaye arahe mo‑mbeehera. Hano ahikiri, akiihiinya, aghasongoreri‑mu, akarighi chasanda chino bhamoryekiire Yesu, cheenyi echeene. Akaru hayo, ahaghiri chwee.

Mataayo 20:19

na koohira mo‑bhaato bha matöngö kubha bhanchëërë, na ghuntëma emicharicho na kumamba mo‑musarabha. Amare orosiko ro ghatato, Eryobha ndekondyoki.”

Mataayo 17:23

na mbakoonyita. Amare orosiko ro ghatato, Eryobha ndekondyoki.” Hano abhaanabheegha bhaache ꞉bhooghwire ghayo, bhaakabha na amacheeche chwee.

Mataayo 17:9

Hano bhaare bhariika koru a‑gheghoro, Yesu akabharaghereri, akabhugha, “Motaacha komobhoorera omooto wowoose amangʼana ghoose ghano morooche, mbagha eriibhagha rino eni uno neenyi Omoona o Mooto, nekoryoka koru mo‑bhaku.”

Amaköri gha Bhatomu 2:24

Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu!