Mataayo 27:4 - Eriiraghano Eriihë

⁴ Akabhabhoorera akabhugha, “Niköriri amasari komuhaana mo‑mabhökö ghaanyu omooto uno ataanyi ne eriisari ryoryose kubha itu.” Amare ibho bhakabhugha, “Ghayo ghataaghotusakeri itu, n‑gha ghaacho iye mwene.”

Mataayo 27:4 Referans Kwoze

1 Yohana 3:12

Totabha kinya Kaayini, iwe n‑omoona o Rishambu are, akamwita omonyi waache. Ngwake amwitiri? Namwitiri gho kubha amaköri gha Kaayini ngaare mabhe, amare gha monyi waache ngaare gha bhuhëënë.

1 Bheetero 1:19

Amare, ndebhatooriri gho kuhökëri amasaahë ghano ghaanyi ne eriighori ikoro. Amasaahë ghayo n‑gha Kirisito, iwe naare kinya omoona o ngʼöndu uno ataanyi no obhurëma koru ghosuuheru.

Abheebhuraaniya 7:26

Omuchaama Omokoro anga uyo nakwëndëru chwee ghokwito gho kubha iwe m‑Mutööbhiyu, na taanyi ni isörö, wiiki taaköriri amasari ghoghoose ghaare. Eryobha ndemwahwire koru mo‑bhaköri bha masari, rekamotiiri ghuye Mwishaaro.

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

1 Timotewo 4:2

Ameeghi ghayo, ngaakubha ghareeghibhu na chaghughuuti, wiiki m‑bharöngö bhano amiihëëbhö gha chaakörö cheebho ghateeche amachömu na amabhe, n‑kinya gheekuru no omororo.

Abharuumi 3:19

Mbe, itu ntweche kubha, hano Amandëkö Amatööbhiyu ghakwërëkërëri egheghiro ghyokyose, ngakwërëkërëri abhaato bhano ꞉bhaahaabhuru Amandëkö ghayo. Hano Amandëkö ghakobhugha hangʼu, n‑kubha abhaato bhoose, Abhayahuuti na abhaato bha matöngö bhatabha na angʼana e ghwitachura hano Eryobha reghotenera ekiina ase, wiiki erighibhu haheero kubha, mbarëngʼaaniire ghoteneru ekiina.

Amaköri gha Bhatomu 13:28

Nangabha abhaato bha Yerusareemu bhataabhwine amasëmö gha hëënë ghano ghakwërëki kubha Yesu ꞉naarëngʼaaniire ghwitu, bhakamusabha Bhiraato ahatëkë itu.

Yohana 19:7

Abhayahuuti bhakamugharokeri bhakabhugha, “Itu ntoonyi no omoghiro, na kurëngʼaana no omoghiro uyo, nakwëndëru ghwitu, gho kubha naghwighamba kubha n‑Omoona o Ryobha.”

Ruuka 23:47

Omokoro o bhaashirikare bhayo, hano arooche ghayo, akareghongi Eryobha, arabhugha, “Oo! Hëënë, omooto uno m‑muhëënë are!”

Ruuka 23:41

Amare itu, ntoteniiru ekiina kwo bhuhëënë, kurëngʼaana na amaköri ghiito, amare uno, taanyi ne eriisari rino aköriri.”

Ruuka 23:22

Aghasiikëra nabho wiiki mara e ghatato, “Aa motighe tooghu! Naköriri amabhe ke? Kana nteekorighi angʼana ghokooche ino eghughëri aku! Ibheere nekomutëma, ndamara nemotighooroke.”

Mataayo 27:54

Akamara omokoro o bhaashirikare haghirohamu na bhano ꞉bhaare bharamochonga Yesu hano bharooche ekerighito na aghande ghoose ghano gharweriire, bhaghatiina chwee, bhakabhugha, “Mahëënë, omooto uno naare Omoona o Ryobha!”

Mataayo 27:19

Bhiraato hano are ikeere mo‑ghetumbe keeche ghe ghotenera ekiina, mukaache akamotomera amangʼana akabhugha, “Otaacha komukörëra ibhe ryoryose omooto uyo taanyi ne eriisari ryoryose, gho kubha ninyaakiri chwee obhotiko mwiröötö gho ghiri yaache.”

Obhohunyurëru 11:10

Oroko ro bharööti bhayo bhabhere, ndoghuköra abhaato bhano bhataakorekumi Eryobha mo‑se bhachömëru na ghuköra obhughëni na kuhaanana chaatuho. Mbaghuköra hangʼu, gho kubha abharööti bhayo ꞉mbaabhirighwiri chwee.