Mataayo 27:19 - Eriiraghano Eriihë

¹⁹ Bhiraato hano are ikeere mo‑ghetumbe keeche ghe ghotenera ekiina, mukaache akamotomera amangʼana akabhugha, “Otaacha komukörëra ibhe ryoryose omooto uyo taanyi ne eriisari ryoryose, gho kubha ninyaakiri chwee obhotiko mwiröötö gho ghiri yaache.”

Mataayo 27:19 Referans Kwoze

Mataayo 27:24

Hano Bhiraato amënyiri kubha taaghotora ghugharura amiihëëbhö gha bhaato bhayo na kubha bhaghasëëma anyööri, akiimoki amanche na ghwishaabha amabhökö ghaache ambërë yaabho kwërëki kubha taanyi ne eriisari ryoryose. Niho akabhabhoorera akabhugha, “Nteenyi ne eriisari ryoryose kwo mooto uno anyi o bhuhëënë. Ghano mokwënda ghuköra, n‑ighoro yaanyu inyu bheene!”

1 Bheetero 2:22

Iwe taaköriri amasari ghoghoose, koru ghosiikëra obhuröngö bhobhoose.

Yohana 19:13

Hano Bhiraato oghwire amangʼana ghayo, akamurëëta Yesu anche, aghaye aghiikara mo‑ghetumbe ghe ghotenera ekiina, ahaghiro hayo habherekiiru, “Ahaghiro hano hakanduru na amabhohe.” Gho ghighambo ghe Kebhuraaniya hakobherekeru, “Ghabhata.”

Ruuka 23:47

Omokoro o bhaashirikare bhayo, hano arooche ghayo, akareghongi Eryobha, arabhugha, “Oo! Hëënë, omooto uno m‑muhëënë are!”

1 Yohana 2:1

Abhaana bhaane abhasiighani, ˆnekabhaandëkëra amangʼana ghayo, kubha motaköra amasari. Amare koru aribha omooto wowoose araköra amasari, ntughöötë uno aghotusabhera o‑Taata Waryobha, uyo niwe Yesu Kirisito, uno anyi obhuhëënë.

Mataayo 27:4

Akabhabhoorera akabhugha, “Niköriri amasari komuhaana mo‑mabhökö ghaanyu omooto uno ataanyi ne eriisari ryoryose kubha itu.” Amare ibho bhakabhugha, “Ghayo ghataaghotusakeri itu, n‑gha ghaacho iye mwene.”

Mataayo 2:22

Amare hano oghwire kubha Arikeraawo mwërëëti o Herote niwe aghukangata Yuteya, aghatiina ghuye iyo. Nawe akabha ashaangʼiru mo‑riröötö, aghatanura akamwimoki omukari waache no omoona, bhaaghaye mo‑mukööwa o Ghariraaya.

Mataayo 2:19

Hano Herote akuure, mööhi, marayika o Mutëmi Waryobha akamorwera Yusubhu mo‑riröötö iyo Miisiri,

Mataayo 1:20

Eriibhagha Yusubhu are ariihëëbha ghayo, mööhi marayika o Mutëmi akamorwera mo‑riröötö, akamobhoorera akabhugha, “Yusubhu, omoona o Tawuti, otatiina komokwira Mariyamu, gho kubha anda yaache nayebhwine kwo bhotoro bho Körö Ahörëëru.

Ruuka 23:41

Amare itu, ntoteniiru ekiina kwo bhuhëënë, kurëngʼaana na amaköri ghiito, amare uno, taanyi ne eriisari rino aköriri.”

Mataayo 27:18

Bhiraato ꞉naabhabhooriri hangʼu gho kubha ꞉naamënyiri kubha abhakangati bha Bhayahuuti ꞉mbaamurëëtiri Yesu ghokooche gho ghiri e riihari.

Amaköri gha Bhatomu 12:21

Orosiko runo Herote are ahwire korighani na abhaato bhayo, akabheeka eriishaghi reeche re ghitëmi, aghiikara mo‑ghetumbe keeche, aghasiikëra ambërë e bhaato.

Amaköri gha Bhatomu 18:12

Hano Ghariyo are omukangati o mukööwa o Akaaya, Abhayahuuti bhaaru bhakamusöhërëra Bhawuro. Bhakamurëëta ambërë e ghetumbe ghe ghotenera kiina,

Amaköri gha Bhatomu 18:16

Hayo hayo Ghariyo akahatëka kubha bhahëëbhu hayo ambërë e ghetumbe keeche ghe ghotenera ekiina.

Amaköri gha Bhatomu 18:17

Niho bhayo bhoose bhakamusöhërëra Sositene, omokoro o risinaghooghi, bhaghasëëma komutëma ebhekundi hayo hayo ambërë e ghetumbe ghe ghotenera ekiina. Ghayo ꞉bhaaköriri hayo, Ghariyo taghateereeriri.

Amaköri gha Bhatomu 25:6

Bheesito akamara chaasiko echende kinya inyaanye, hande ikomi, anyi haghirohamu na abhaato bhayo, akamara aghagharuka Kayisaariya. Atabhoori yaache aghaye, aghiikara mo‑ghetumbe keeche ghe ghotenera ekiina, akahatëka kubha Bhawuro arëëtu muyo.

Amaköri gha Bhatomu 25:10

Bhawuro akamugharokeri akabhugha, “Niimeeriire ambërë e ghetumbe ke moteni o kiina uno atooruru na Kayisaari, hano niho nekwëndëru ghoteneru ekiina. Kinya iye mwene weeche, teenyi‑ho ngʼana yoyoose ino nitaasiiri Abhayahuuti.

Amaköri gha Bhatomu 25:17

Niho neghagharuka hano haghirohamu na abhaato bhano bhakomusëma Bhawuro. Hano bhookiire, ntikechiire, neghiikara mo‑ghetumbe keene ghe ghotenera ekiina, nekahatëka kubha Bhawuro arëëtu.