Mataayo 26:64 - Eriiraghano Eriihë

⁶⁴ Yesu akamugharokeri akabhugha, “Niiye ˆokabhugha. Amare ˆnekabhabhoorera kubha, korwera ibheere mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Mataayo 26:64 Referans Kwoze

Maariko 14:62

Yesu aghagharokeri akabhugha, “Eni niwe. Wiiki mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Ruuka 21:27

“Hayo niho abhaato bhakondighi eni Omoona o Mooto, neraacha mwishaaro, neenyi na changuru no obhokumi obhokoro.

Mataayo 24:30

“Niho ghekorighibhu ekyërëkërëri ke Moona o Mooto mwishaaro na abhaato bha matöngö ghoose mbaghusëëma korera kwo haho. Hano nekuucha, abhaato bhoose mbakondighi mo‑mashaaro neenyi na changuru no obhokumi obhokoro.

Mataayo 26:25

Mbe, Yuuta uno akomotoora Yesu mo‑mabhökö gha bhabhisa, woose akamobhoori akabhugha, “Oo Omweghi, ghasi n‑eni?” Yesu akamugharokeri akabhugha, “N‑iye ˆokabhugha.”

Mataayo 25:31

Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Obhohunyurëru 20:11

Nekamara, nekarighi Eryobha riikeere mo‑ghetumbe kyero eghekoro ghe ghitëmi. Erishaaro na ase bhekangʼösa ambërë yaache na bhetaaroochiibhu wiiki.

1 Abhatesaronike 4:16

Omutëmi omwene naghwika koru Mwishaaro. Naghosiikëra kwo riiraka ikoro, haghirohamu ne eriiraka re marayika omokoro ne eriiraka re ntaara e Ryobha. Niho bhano bhakuure bharamokumi Kirisito, mbakoryokibhu singa.

Amaköri gha Bhatomu 1:11

Bhakabhabhoorera bhakabhugha, “Inyu abhaato bha Ghariraaya, ngwake mwimeeriire hano ino mugharameriiri Mwishaaro? Yesu uno aghëghuru koru ghokoonyu ghuye Mwishaaro, nakuucha wiiki, kinya bhuno momorooche araghe.”

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Ruuka 22:70

Abhagharuka na abhakangati bha Bhayahuuti, bhakamobhoori Yesu wiiki, “Kana ibheere, iye niiye Omoona o Ryobha?” Yesu akabhagharokeri akabhugha, “Kana niinyu bheene mobhughiri kubha eni neeni!”

Mataayo 27:11

Niho Yesu akiimeerera ambërë e mukangati Omoruumi uno are arabherekeru Bhiraato. Omukangati uyo akamobhoori akabhugha, “Kana, iye niiye uno bhakobhugha, Omutëmi o Bhayahuuti?” Yesu akamugharokeri akabhugha, “N‑iye obhughiri.”

Abharuumi 14:10

Ibheere, iye n‑niwe uno oghotenera ekiina omokumi mughëndi waacho? Na niiye ngwake oghutaraaha mughëndi waacho? Itu bhoose ntokwimeerera ambërë e ghetumbe ke Ryobha, na ghoteneru ekiina.

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 22:44

‘Omutëmi Waryobha ꞉naamobhooriire Omutëmi waane, Wiikare eribhaara re kubhökö koone gho kwiro, mbagha neghukörë okinde abhabhisa bhaacho, na kobhakangata.’

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Ruuka 22:69

Amare korwera ibheere, eni Omoona o Mooto neekubha niikeere mo‑kubhökö gho kwiro kwo Ryobha rino reenyi na changuru choose.”