Mataayo 26:39 - Eriiraghano Eriihë

³⁹ Aghiishuka ambërë hasuuhu, akiirëkëra haase kebhuuma kubha asabhe Eryobha, akabhugha, “Oo Taata waane, aribha ekubha, neghoghusabha onduuseri eghisënchö kino ke nyaako! Otaacha ghuköra kinya bhuno nekwënda, amare ukörë kinya bhuno okwënda.”

Mataayo 26:39 Referans Kwoze

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

Abhabhiribhi 2:8

Hano are kinya omooto, ꞉niinyööhiri, akaresooka Eryobha, aghiishereri ghoku, koru ghoku mo‑musarabha!

Mataayo 26:42

Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”

Abheebhuraaniya 5:7

Eriibhagha Yesu are mo‑se ino, ꞉naasabhiri, na ghusasaama na korera chwee ambërë e Ryobha rino reenyi na changuru che komotoori koru mo‑roko. Eryobha ndyoghwire amasabhi ghaache gho ghiri e kwinyööhi kooche.

Yohana 5:30

Yesu akëëndërëra ghosiikëra arabhugha, “Ghetaanyi‑ho egheghiro ghyokyose kino neghotora ghuköra kwo bhotoro bhoone. Nekobhatenera ekiina abhaato kurëngʼaana na kebhuno Taata akomboorera. Gho ghiri iyo ghotena ekiina koone n‑kwo bhuhëënë, gho kubha nteeghuköra amënda ghaane eni mwene, amare n‑amiigha gha Ryobha rino rentomiri neghuköra.

Yohana 14:31

Amare nekwëndëru abhaato bha mo‑se bhatore kumënya nemosiighiri Taata, kinya bhuure Taata ꞉andagheriiri, nibhu neghuköra. “Ibheere, mwimeerere toru hano.”

Yohana 18:11

Amare Yesu akamuhatëka Bheetero akabhugha, “Bheetero, gharoki ekinyamiino keecho mo‑choobho yaache. Kana, tweche kubha nekwëndëru ninyaakibhu kinya bhuno Taata ꞉asëëmiri kubha ninyaakibhu?”

Yohana 11:41

Mbe, bhakareruusi eriibhohe riyo. Yesu aghagharaamereri Mwishaaro, aghasabha Eryobha akabhugha, “Oo Taata, neghoghwitabheri gho kubha nooghwire amasabhi ghaane.

Mataayo 20:22

Yesu aghagharokeri akabhugha, “Moteeche ghano moghusabha. Kana, moghotora kunyaaka kebhuno neeghuye kunyaakibhu?” Bhaghagharokeri bhakabhugha, “Ntoghotora.”

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Amaköri gha Bhatomu 10:25

Hano Bheetero ahikiri, Korineeriyo akamoturungʼanera, akabhuna ebheru ambërë yaache gho sooko.

Ruuka 17:16

Hano ahikiri, akiirëkëra kebhuuma mo‑maghoro gha Yesu, ino aramobhoorera ˆoghachömi. Omooto uyo, n‑Omusamaariya are.

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.