Mataayo 26:35 - Eriiraghano Eriihë

³⁵ Bheetero akamugharokeri akabhugha, “Koru aribha ekwëndëru kubha neku haghirohamu na niiye, eni nteghokwanga naabha!” Abhaanabheegha abhande bhoose bhaghasiikëra hangʼu hangʼu.

Mataayo 26:35 Referans Kwoze

Abharuumi 11:20

Iyo m‑mahëënë. Ebhisaghe bhiyo ꞉mbeenunguru gho kubha bhataakumiri, na niiye noonyi mo‑bhisaghe bhe museyituuni gho kubha noghokumi. Gho ghiri iyo iköngʼi, otiihacha, amare otiine Eryobha.

Yohana 13:37

Bheetero akamobhoori akabhugha, “Oo Omutëmi, ghwake nteeghotora ghoghutambana ibheere? Eni niisheriiri ghoku gho ghiri yaacho!”

1 Bheetero 1:17

Inyu mokorebherekera Eryobha, Taata. Iryo retaakwahukani omooto wowoose, amare ndeghotenera ekiina abhaato bhoose kurëngʼaana na amaköri ghano ꞉bhaaköriri. Gho ghayo, mumanye gho korisëngëra Eryobha kwo riibhagha rino risaaghiri ghokoonyu re kumanya hano mo‑se kinya abhaghëni.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

1 Abhakorinto 10:12

Gho ghayo, uno akwirighi kubha niimeeriire bhoheene mo‑bhokumi, ichonge, ataacha ghugho.

Mataayo 10:33

Amare, wowoose uno akonyanga ambërë e bhaato, na neeni nekomwanga ambërë e Taata waane uno anyi Mwishaaro.