Mataayo 26:29 - Eriiraghano Eriihë

²⁹ Amare ˆnekabhabhoorera kubha nteekunyo wiiki adivaayi ino mbagha mo‑rosiko runo neekunyo ahë haghirohamu na niinyu mo‑bhutëmi bho Taata waane.”

Mataayo 26:29 Referans Kwoze

Obhohunyurëru 7:17

Neekubha hangʼu gho kubha, Omoona o Ngʼöndu uyo anyi haghuhe ne eghetumbe ghe ghitëmi naakubha omoriishi waabho. Nakobhakangata bhoose ghuye haghuhe ne ebherika bhe manche gha bhuhöru. Naryo Eryobha ndekobhatareki changishori cheebho.”

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Maariko 14:25

Mahëënë ˆnekabhabhoorera kubha, korwera reero, nteekunyo wiiki adivaayi mbagha mo‑rosiko runo neekunyo ahë mo‑bhutëmi bho Ryobha.”

Amaköri gha Bhatomu 10:41

Tarighiibhu kwo bhaato bhoose, amare Eryobha rekaahura abhiibhateri komorighi. Abhiibhateri bhayo, nibho itu, ꞉ntoomorooche, ꞉ntuuraghiire na kunyo haghirohamu nawe hano amariri koryoka.

Yohana 17:13

“Oo Taata, ibheere ˆnekaacha ghokoocho. Eni nekobhabhoorera abhaanabheegha bhaane ghoose ghano eriibhagha nekeere neenyi mo‑se ino, kubha ghuchömëru koone koose kubhe mo‑metema gheebho.

Mataayo 13:43

Mbe, abhaato bhoose bhano bhaanyi no obhuhëënë ambërë e Ryobha, mbaakubha bhararëngaari kinya eryobha mo‑bhutëmi bhwi Ishe waabho. Omooto wowoose uno anyi na amatu gha kooghu, no oghu!

Obhohunyurëru 14:3

Abhaato ekirara kimu ne ebheku miröngö ene na bhane bhayo (144,000), mbaare bhiimeeriire ambërë e ghetumbe ghe ghitëmi, na ambërë e bhetyenyi bhiire bhine bhe bhuhöru, na abhagharuka bhaare miröngö ebhere na bhane. Abhaato bhayo mbaare bhareemba omwembo omuhë, na taanyi‑ho owonde uno atoriri kwegha omwembo uyo, nanyinga abhaato bhano bhatooriibhu koru mo‑se abheene.

Ruuka 15:32

Amare omonyi waacho uno, ntokwëndëru tomukörërë obhughëni na ghosiighasiigha haghirohamu. Niköriri hangʼu gho kubha naare abhoriri, amare ibheere ˆakabhönëka. Wiiki naare kinya akuure, ni ibheere m‑muhöru!’”

Ruuka 12:32

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

Yohana 15:11

“Nebhabhooriire amangʼana ghano kubha ghuchömëru koone kubhe moose yaanyu, na ghuchömëru koonyu kohikeerane.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Mataayo 18:20

Nekobhugha hangʼu gho kubha aribha bhaanyi‑ho abhaato bhabhere hamu bhatato bhano bhatëmëriine kwo riina reene, na neeni neekubha haghirohamu nabho.”

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Yohana 16:22

Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu.

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Mataayo 26:28

Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho.

Mataayo 26:30

Bhakamara bhakeemba emyembo ghe koreghongi Eryobha. Hano bhamariri kwemba, bhaghatanura hayo, bhaaghaye mo‑gheghoro ke Miseyituuni.