Mataayo 26:28 - Eriiraghano Eriihë28 Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho. Gade chapit la |
Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.
Hano ghayo ghahetiri, nekarighi eriirighi erende. Nekarighi erikinda ikoro re bhaato rino retaare reratoru kubharu. Abhaato bhayo mbaare bha chaase choose, na bha matöngö ghoose, na abhahiiri bhoose na bha bhighambo bhyose. Bhiimeeriire ambërë e ghetumbe ghe ghitëmi, na ambërë e Moona o Ngʼöndu. Bhabheekiri chandachana cheero na mbaare bhaghöötëriire amato gha mitëndë.
Amare eriisari re Ataamu retakurëngʼaana na atuho e ghareeya e Ryobha. Ataamu n‑omooto umu uno aköriri abhaato bhoose bhaku kurëngʼaana ne eriisari reeche. Amare naanyi‑ho umu, Yesu Kirisito, uno akobhaha abhaato bhaaru atuho e ghareeya e Ryobha. Aghareeya e Ryobha tighöötë ekirëngërë, neghokera eriisari re Ataamu!